იმამი ყაზანიდან, ტიმურ კამაევი, კრიტიკის ქარცეცხლში მას შემდეგ მოექცა, რაც პოდკასტი გამოაქვეყნა, სადაც საუბრობდა, თუ როგორ უნდა სცემონ ცოლს… ტიმურ კამაევი კონკრეტულ ინსტრუქციებსაც ასახელებს. თუმცა, მას შემდეგ, რაც მის განცხადებას დიდი გამოხმაურება მოჰყვა, თათრეთის მუსლიმთა სულიერმა ადმინისტრაციამ განაცხადა, რომ იმამის სიტყვები პრესამ არასწორი ინტერპრეტაციით გაავრცელა.
უფრო ზუსტად, ტიმურ კამაევი ყურანის მეოთხე სურაზე საუბრობდა და ამბობდა, რომ იქ ის შემთხვევებია განხილული, რომლის მიხედვითაც, ცოლის “ცემა” გამართლებული და მიზანშეწონილიც კია. კამაევი მამაკაცებს ურჩევს, ჯერ მეუღლესთან შეთანხმება სიტყვით სცადონ, ხოლო თუ ეს შედეგს არ გამოიღებს, შემდეგ ძალადობაზე გადავიდნენ.
ყველაზე საგანგაშო მის განცხადებაში კი ინსტრუქციები იყო, რომლის მიხედვითაც მამაკაცებს ასწავლიდა, როგორ სცემონ ცოლს “სწორად”.
ამონარიდი მთელ ქვეყანაში გავრცელდა და ძალიან დიდი ვნებათაღელვა გამოიწვია. ტიმურ კამაევი კი ამბობს, რომ მისი სიტყვები მედიამ კონტექსტიდან ამოგლიჯა და აღნიშნავს, რომ ძალადობას გმობს.
თათრეთის მუსლიმთა სულიერმა ადმინისტრაციამ აღნიშნა, რომ იმისათვის, რომ მკითხველმა და მსმენელმა სწორი დასკვნები გამოიტანოს, პოდკასტს ბოლომდე უნდა მოუსმინონ. თუმცა, ეს ახლა უკვე შეუძლებელია, რადგანაც იმამის პოდკასტი ვებსაიტიდან წაშლილია. წყარო
მასალის გამოყენების პირობები
