„მაგთიკომი“ ზოგიერთ ულიმიტო მობილურ ინტერნეტ-პაკეტს აძვირებს. როგორც კომპანიის მიერ გავრცელებულ განცხადებაშია აღნიშნული, ახალ ტარიფები მიმდინარე წლის 1-ლი ივნისიდან ამოქმედდება.
უფრო კონკრეტულად, კომპანიის ცნობით, ტარიფის ცვლილება შეეხება კვირის და თვის ულიმიტო ინტერნეტ-პაკეტებს. ისინი შესაბამისად, ერთი და სამი ლარით გაძვირდება.
კერძოდ, ცვლილების შედეგად, 2025 წლის 1-ლი ივნისიდან:
- „ულიმიტო ინტერნეტ-კვირა“ – 9 ლარიდან 10 ლარამდე იზრდება;
- „ულიმიტო ინტერნეტ-თვე“– 32 ლარიდან 35 ლარამდე.
ამასთან, კომპანიაში აცხადებენ, რომ 1-ლი ივნისიდან შესაბამისი პაკეტის ავტომატური განახლებისას უკვე იმოქმედებს ახალი პირობები.
როგორც „ბიზნესპრენიუსს“ კომპანიის ცხელ ხაზზე განუცხადეს, ცვლილება ამ ეტაპზე, მხოლოდ მობილური ინტერნეტის აღნიშნულ პაკეტებს შეეხება.
