ლადო გუდიაშვილის შვილი გარდაიცვალა – საინტერესოა ისტორია იმის შესახებ, თუ როგორ შეურჩია დიდმა ქართველმა მხატვარმა, ლადო გუდიაშვილმა, საკუთარ ქალიშვილს სახელი

ლადო გუდიაშვილის შვილი, ჩუქურთმა გუდიაშვილი 92 წლის ასაკში გარდაიცვალა. სამწუხარო ინფორმაცია თბილისის ოპერისა და ბალეტის სახელმწიფო თეატრმა გაავრცელა.

„თბილისის ოპერისა და ბალეტის სახელმწიფო თეატრი იუწყება, რომ გარდაიცვალა ღვაწლმოსილი ბალერინა და პედაგოგი ჩუქურთმა გუდიაშვილი“, – წერია პოსტში. 

საინტერესოა ისტორია იმის შესახებ, თუ როგორ შეურჩია დიდმა ქართველმა მხატვარმა, ლადო გუდიაშვილმა, საკუთარ ქალიშვილს სახელი. როგორც ირკვევა, შვილისთვის სახელის შერჩევის პროცესი საკმაოდ არაორდინალური და სიმბოლური აღმოჩნდა.

„ჩუქურთმა ლადო გუდიაშვილის ქალიშვილია. ეს სახელი მან დაარქვა ბავშვს.ლექსიკონი გადაშალა და ალალბედზე დაადო თითი ამ სიტყვას.მერე მთელი ცხოვრება ეფერებოდა,შენ ჩემი ჩუქურთმა ხარო“, – წერია პოსტში.