თბილისში, სამტრედიის ქუჩაზე, საცხოვრებელ კორპუსში აფეთქება მოხდა. აფეთქების შედეგად დაზიანდა შენობის რამდენიმე სართული.
ადგილზე მობილიზებულია საპატრულო, სასწრაფო და საგანგებო სიტუაციების სამსახურები.
აფეთქებას მსხვერპლი არ მოჰყოლია.
შენობიდან მცხოვრებლები გამოიყვანეს.
როგორც თბილისის სახანძრო-სამაშველო ძალების მთავარი სამმართველოს უფროსმა, ლევან მუსელიანმა ადგილზე ჟურნალისტებს განუცხადა, აფეთქება სავარაუდოდ, ბუნებრივი აირის გაჟონვამ გამოიწვია, შემთხვევის შედეგად არავინ დაშავებულა.
ამასთან, დიდუბის რაიონის მაჟორიტარის განცხადებით, მერია საცხოვრებლით უზრუნველყოფს სამტრედიის ქუჩაზე, იმ კორპუსის მცხოვრებლებს, სადაც აფეთქება მოხდა.
მასალის გამოყენების პირობები
