თბილისში, მუხიანის დასახლებაში მამაკაცი დაჭრეს. არსებული ინფორმაციით, შემთხვევა გამთენიისას მოხდა. დაშავებულს თავის არეში მიყენებული ჭრილობები აღენიშნება.
როგორც შინაგან საქმეთა სამინისტროში აცხადებენ, ფაქტზე დაწყებულია გამოძიება საქართველოს სისხლის სამართლის კოდექსის 120-ე მუხლით, რაც ჯანმრთელობის განზრახ მსუბუქ დაზიანებას გულისხმობს.
შემთხვევის დეტალები და დაკავებულის შესახებ დამატებითი ინფორმაცია ამ დროისთვის უცნობია.
