ვოლოდიმირ ზელენსკის No142/2024 განკარგულებით ქართველ ე.წ. “კანონიერ ქურდს” გიორგი ხმელიძეს უკრაინის მოქალაქეობა ჩამოერთვა. ამის შესახებ ხმელიძეს დაკავების იზოლატორში აცნობეს, სადაც ის 25 მარტს, დაპატიმრების შემდეგ გადაიყვანეს.
ამრიგად, ბათილად გამოცხადდა 2009 წლით დათარიღებული დოკუმენტი, რომლის მიხედვითაც გიორგი ხმელიძე უკრაინის მოქალაქედ ითვლებოდა.
“დნეპროს რაიონულმა სასამართლომ კრიმინალურ “ავტორიტეტს”, იძულებითი დეპორტაციის უზრუნველსაყოფად, 6-თვიანი პატიმრობა შეუფარდა”, – წერს უკრაინული მედია.
63 წლის გიორგი ხმელიძეს კრიმინალურ წრეებში “ხმელოს” მეტსახელით იცნობენ. ის წლებია უკრაინაში ცხოვრობს.
QR კოდი
სტატიის ციტირება
შენი ამბები. (2024). ზელენსკის განკარგულებით ქართველ ე.წ. “კანონიერ ქურდს” უკრაინის მოქალაქეობა ჩამოერთვა – “იგეგმება იძულებითი დეპორტაცია“. 8 აპრილი, 2024. https://sheniekimi.ge/ambebi/ზელენსკის-განკარგულებით/
