საქართველოს საზოგადოებრივი ჯანდაცვის ინსტიტუტის ხელმძღვანელი, პროფესორი გიორგი ფხაკაძე რუსთავში დაცვის კომპანიის ოფისში ფალსიფიცირებული არყების დამზადების ფაქტს ეხმიანება:
„ხალხნო რამდენჯერ უნდა გავიმეორო…. ეს თქვენი ვიტამინები/ მინერალები და შამპუნი/კრემები ლილო/რუსთავში მზადდება!!!“ – ამბობს გიორგი ფხაკაძე.
საქართველოს ფინანსთა სამინისტროს საგამოძიებო სამსახურის თანამშრომლებმა, ქვემო ქართლის საოლქო პროკურატურასთან კოორდინაციით, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, წინასწარი შეთანხმებით ჯგუფის მიერ დიდი ოდენობით ყალბი აქციზური მარკების დამზადებისა და გამოყენების, აგრეთვე სიცოცხლისა და ჯანმრთელობისათვის საფრთხის შემცველი ფალსიფიცირებული საქონლის დამზადების ფაქტზე, საქართველოს ორი მოქალაქე დააკავეს.
