„დიდი მადლობა რომ ჩემი პატარა მაჩუქეთ თავიდან – 2 კვირა ვცხოვრობდით იაშვილის კლინიკაში…“-ნინო ნადირაძე

„ვივამედის“ დირექტორი ნინო ნადირაძე შვილიშვილთან დაკავშირებით ისტორიას იხსენებს:

„17 თუ 18 სათამაშო მაგნიტი ჰქონდა ჩაყლაპული, რომლებიც შემდეგ ერთმანეთთან სამაჯურივით გაერთიანდნენ ნაწლავები მოექცა და წავიდა 4 ადგილბე ნაწლავების პერფორაცია ანუ გახვრეტა, პერიტონიტი, სეფსისი – მოკლედ ძალიან ძაფზე ვეკიდეთ, ვცხოვრობდით იაშვილის კლინიკაში 2 კვირა..

ჩვენთან კლინიკაში არ არის ბავშვთა განყოფილება, ვემსახურებით სრულწლოვანებს და ჩემთვის ბავშვებთან ურთიერთობა იმდენად, რამდენადაც ძლიერი და მაგარი ვარ, როდესაც ბავშვს ეხება, იქ უმწეო ვხდები…

მართლა გვაჩუქეს ჩვენი პატარა და ჩემთვის იაშვილის კლინიკა არის სალოცავი კლინიკა, ამიტომ მე არ მესმის იმ ხალხის ვინც აუცილებლად საზღვარგარეთ…

თქვენ არ იცით იქ რა ხალხი მუშაობს, რანაირი „სტაფია“, ექთანი, სანიტარი… ზვიადის და მაცაცოს შესრულებული ეს უნიკალური ოპერაცია თავისთავად… ბავშვი ფაქტობრივად გვაჩუქეს.. ამ დროს როგორი გადაფასება მიდის ყველაფრის, ყველა პრობლემა უფერულდება… თუ შეატყობთ ნაკლებად ვდებ სტატუსებს, ნაკლებად ვაქტიურობ, იმდენად მიჩერებული ვარ ამ ბავშვზე, რომ ფაქტობრივად ყველაფერმა დაკარგა ჩემს ცხოვრებაში აზრი… ახლა ღმერთის წყალობით მინდა, რომ კარგად იყოს..“ – განაცხადა ნინო ნადირაძემ „იმედის“ ეთერში და იაშვილის კლინიკის თანამშრომლებს მადლობა კიდევ ერთხელ საკუთარი გადაცემიდან გადაუხადა.

მედიკოსმა სტუმარს, იაშვილის სახელობის ბავშვთა ცენტრალური საავადმყოფოს სამედიცინო დირექტორს, ივანე ჩხაიძეს მიმართა: „ჩემთვის ბატონი ვანო არის ჩემი იმედი, რაღაცა რომ მაქვს სასწრაფოდ მიშველეთ, არიქა და რომელი საათიც არ უნდა იყოს დღის, ღამის არ არსებობს, რომ არ გიპასუხოს. კიდევ ერთხელ დიდი მადლობა იმისთვის, რომ ჩემი პატარა მაჩუქეთ თავიდან…“ – მიმართა ნინო ნადირაძემ ჩხაიძეს.