ჰანგრიმენი (Hungryman) — ქართველი იუთუბერების ჯგუფი/არხი, რომლებიც ძირითადად ცნობილები არიან პრანკებით, სოციალური ექსპერიმენტებით, გასართობი ვიდეოებით და ქუჩის კონტენტით.
მათი ვიდეოები სავსეა, იუმორით, სიურპრიზით და ემოციური რეაქციებით. ამ ეტაპზე არხს 522K გამომწერი ჰყავს. გუნდმა კი 500,000 გამომწერზე, მათ ერთგულ მაყურებლებლებსა და გამომწერებს დაუვიწყარი საჩუქრები აჩუქეს. ამჯერად ისინი სოციალურ ქსელში ვიდეომიმართვას ავრცელებენ, სადაც ამბობენ, რომ „იუთუბმა“ ყველა ვიდეო წაშალა სამის გარდა და გაფრთხილება გამოუგზავნათ:
„მადლობა სითბოსთვის და სიყვარულისთვის, რაც ამ სამი დღის განმავლობაში მივიღეთ. ვცდილობთ ყველა კომენტარი წავიკითხოთ. „იუთუბმა“ გაამკაცრა წესები, რაც ხელოვნური ინტელექტი შემოვიდა, ებრძვის ამ კონტენტს. ბევრი შეცდომა ოდის „იუთუბსაც“. ჩვენც მოვყევით ამ შეცდომაში და იუთუბმა ორი „სტრაიკი“ გამოგვიგზავნა. რაც იმას ნიშნავს რომ მესამე თუ მოგვივა არხი წაიშლება. ვერასდროს ვეღარ დავიბრუნებთ. არხი რომელშიც 7 წლის განმავლობაში ძალიან დიდი შრომა გვაქვს ჩადებული. ამიტომ გადავწყვიტეთ გაგვეკეთებინა ახალი არხი, რამე რომ იყოს იქ გავაგრძელოთ, ძალიან გთხოვთ გამოიწერეთ“, – ამბობენ არხის დამფუძნებლები ვიდეოში.
