მეგაშოუს „ვინ ვინ არის“ მე-4 სეზონის მესამე ეპიზოდი შედგა.
დღევანდელ ეპიზოდში მაყურებლის წინაშე 5 ახალი თოჯინა წარდგა. კერძოდ, პანტერა, ღრუბელი, ვერძი, თუთიყუში და მუხლუხო.
გულშემატკივრის რჩეული პანტერა გახდა. იგი შემდეგ ეპიზოდში გადავიდა. ასევე, მაყურებლის რჩეულები გახდნენ: ვერძი და თუთიყუში. ისინიც ასევე გადავიდნენ შემდეგ ტურში.
დარჩენილ ორ თოჯინას – ღრუბელსა და მუხლუხოს შორის გამარჯვებული ჟიურიმ გადაწყვიტა. ჟიურიმ მეგაშოუში მუხლუხო დატოვა.
აღმოჩნდა, რომ ღრუბლის ნიღაბი თამარ გვერდწითელს ჰქონდა მორგებული.
მეგაშოუს წინა სეზონებში საზოგადოებისთვის არაერთმა ცნობილმა სახემ მიიღო მონაწილეობა. ყოველ ორშაბათს „იმედის“ ეთერში სრულიად საქართველო ელოდება, გაარკვიოს, ვინ ახერხებს გარდასახვას 12 ახალი თოჯინით.
