29 აპრილს ქეით მიდლტონი და პრინცი უილიამი ქორწინების 13 წლის იუბილეს აღნიშნავენ, მაგრამ პრინცესა ბოლო პერიოდში ჯანმრთელობის მდგომარეობის გამო, საზოგადოებაში აღარ ჩნდებოდა. როგორც ცნობილია, მან იანვარში მუცლის ღრუს ოპერაცია ჩაიტარა და მას შემდეგ, კენსინგტონის სასახლის ცნობით, რეაბილიტაციის კურსს გადიოდა.
ქეით მიდლტონის გაუჩინარება მის გულშემატკივრებს განსაკუთრებით აღელვებდათ, თუმცა რამდენიმე დღის წინ უილიამისა და ქეითის ოფიციალურ ინსტაგრამ გვერდზე პრინცესას მიმართვა გამოქვეყნდა. მან შვილებთან ერთად გადაღებული ფოტო ატვირთა და გულშემატკივრებს მხარდაჭერისთვის მადლობა გადაუხადა. ამ ფოტოშიც ბევრი რამ იყო საორჭოფო და ქეითმა მოგვიანებით ბოდიშიც კი მოიხადა გადამეტებული ფოტოშოფისთვის…
ფაქტია, რაც უფრო მეტი დრო გადის, უილიამისა და ქეითის ირგვლივ არაერთი ინფორმაცია ვრცელდება. ინტერნეტში გამოქვეყნდა ინფორმაცია, რომ წყვილი განქორწინების ზღვარზეა. მეტიც, გავრცელებული ინფორმაციის თანახმად, ქეით მილდტონი არა ჯანმრთელობის მდგომარეობის, არამედ პირადი სკანდალის გამო აღარ ჩნდება საზოგადოებაში. ანონიმური წყაროები ამბობენ, რომ ის, მონაკოს პრინცესას, შარლენის მსგავსად, საკუთარი მოვალეობების შესრულებით დაიღალა და სასახლიდან გაქცევა სურს. ამის მიზეზი კი ოჯახური კონფლიქტია. ამავდროულად, პრესაში გავრცელდა ქალის – როუზ ჰენბერის სახელი და გვარი. ანონიმური წყაროები ამბობენ, რომ პრინცი უილიამი ქეითს 2019 წლიდან მასთან ღალატობს და ამის შესახებ უამრავმა ადამიანმა იცის…
როუზ ჰენბერი სამეფო ოჯახთან დაახლოებული პირია და არისტოკრატიული წარმომავლობა აქვს. მისი ბებია ელისაბედ II-ის ერთ-ერთი მეჯვარე იყო. გოგონამ პრესტიჟული განათლება მიიღო, უნივერსიტეტის შემდეგ კი მოდელად მუშაობდა და თანამშრომლობდა ისეთ ბრენდებთან, როგორებიცაა Miu Miu და Poplin London.
თუმცა, გლამურული სამყაროს ელვარებით სწრაფად დაიღალა და ადაწყვიტა თავისი ცხოვრება უფრო სერიოზული საქმეებისათვის მიეძღვნა. გარკვეული პერიოდი პარლამენტის წევრის თანაშემწედ მუშაობდა, იყო პრემიერ მინისტრის ტონი ბლერის მდივანი, შემდეგ დაიწყო თანამშრომლობა საქველმოქმედო ფონდებთან, შემდეგ კი ისევ მოულოდნელად შეიცვალა საქმიანობის სფერო და ინტერიერის დიზაინერი გახდა.
2009 წელს ის 23 წლით უფროს მამაკაცზე, მარკიზ დევიდ ჩოლმონდელიზე დაქორწინდა. მათ მალე ტყუპი შეეძინათ და საცხოვრებლად ნორფოლკში გადავიდნენ, სადაც ბრიტანეთის სამეფო ოჯახის წევრებს ერთ-ერთი მამული აქვთ. სავარაუდოდ, პრინცმა უილიამმა როუზი სწორედ იქ გაიცნო. გავრცელებული ინფორმაციის თანახმად, მაშინ უილიამს ქეითთან უთანხმოება ჰქონდა და ნუგეში როუზთან იპოვა. თუმცა, ანონიმური წყაროები ამბობენ, რომ რამდენიმე შეხვედრის შემდეგ, მათ ურთიერთობა იმ ეტაპზე დაასრულეს. 2011 წელს უილიამი ქეით მიდლტონზე დაქორწინდა. მაგრამ, რაკი ის და როუზი ერთ წრეში ტრიალებდნენ, მათი გზები ხშირად იკვეთებოდა. მეტიც, როუზი და ქეითი ერთ დროს კარგი მეგობრები იყვნენ, მაგრამ 2019 წელს ურთიერთობა საბოლოოდ გაწყვიტეს. მიზეზი კი ღალატი აღმოჩნდა…
2022 წელს პრესაში აქტიურად განიხილავდნენ იმ ფაქტს, რომ უილიამი ქეითს სწორედ როუზთან ღალატობდა. როუზი მიდლტონს ძალიან ჰგავს. ხშირად ჩნდებოდა საჯარო სივრცეებში და როგორც ამბობენ, ქეითის სტილს ზუსტად იმეორებდა, ყველაფერში ჰბაძავდა.
“უილიამის ღალატის შესახებ ლონდონში ყველამ იცის. ამაზე ყველა წვეულებასა და საინფორმაციო სააგენტოში საუბრობენ.” – უთხრა ანონიმურმა წყარომ ერთ-ერთ ტაბლოიდს.
ინფორმაცია სულ უფრო მრავალფეროვანი ხდებოდა. ამბობდნენ, რომ როუზმა უილიამისაგან ქალიშვილი გააჩინა, თუმცა ბუკინგემის სასახლე ამ ამბავს საგულდაგულოდ მალავდა. მეტიც, გამოცემას, რომელმაც ეს ნიუსი გამოაქვეყნა, სამეფო ოჯახიდან სასამართლოში ჩივილით დაემუქრნენ.
ვერსია, რომ პრინცმა უილიამმა ცოლს ისევ უღალატა და ქეითი ნერვული აშლილობის გამო საავადმყოფოში მოხვდა, ჟურნალისტმა სტივენ კოლბერტმა გააჟღერა. ჟურნალისტის თქმით, პრინცი უილიამი, მამის ავადმყოფობის გამო, შესაძლოა, ტახტზე მალე ავიდეს და სურს, სუფთა რეპუტაცია ჰქონდეს. ამიტომაც, განქორწინებაზე არ საუბრობს.
ქეით მიდლტონის ოფიციალური საჯარო გამოჩენა მარტის ბოლოსაა დაგეგმილი. თაყვანისმცემლები ამ დღეს განსაკუთრებით ელოდებიან და ფიქრობენ, რომ ბევრ შეკითხვას პასუხი გაეცემა. წყარო
