დილით ფიზიკური აქტივობა ყველასთვის უსაფრთხო არ არის – რატომ არ შეიძლება დილით ყველასთვის ვარჯიში

30 დეკემბერი 2025

223

sheniambebi varjishi — {"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"resize":1,"transform":1},"is_sticker":false,"edited_since_last_sticker_save":true,"containsFTESticker":false}

დილით ფიზიკური აქტივობა ყველასთვის ერთნაირად უსაფრთხო არ არის.

პროფესორი გიორგი ფხაკაძე (MD, MPH, PhD)**

საქართველოს საზოგადოებრივი ჯანდაცვის ინსტიტუტის თავმჯდომარე (PHIG)

გულ-სისხლძარღვთა ქრონიკული დაავადებების, სახსრების პრობლემებისა და ონკოლოგიური დიაგნოზის მქონე ადამიანებისთვის დილის ვარჯიშმა შესაძლოა რისკები შექმნას. ავადმყოფობის შედეგად დასუსტებულ ორგანიზმს ხშირად უჭირს დატვირთვასთან გამკლავება, ხოლო მოუმზადებელი ვარჯიში საფრთხეს ჯანმრთელი ადამიანისთვისაც კი წარმოადგენს.

თუ ადამიანი გაღვიძებისთანავე, ყოველგვარი მომზადების გარეშე იწყებს მოძრაობას, შესაძლებელია თავბრუსხვევა, არტერიული წნევის მკვეთრი მატება და გულისცემის აჩქარება. ამიტომ რეკომენდებულია, რომ ჯერ მიიღოთ შხაპი, დალიოთ წყალი და მიირთვათ მსუბუქი, დაბალანსებული საუზმე. ამის შემდეგ ვარჯიში უკვე დადებითად აისახება როგორც ფიზიკურ მდგომარეობაზე, ისე საერთო ენერგიასა და განწყობაზე.

დილით უმჯობესია აირჩიოთ მსუბუქი ვარჯიშები, გაჭიმვა ან იოგა და აქტივობა ჩაატაროთ კარგად განიავებულ სივრცეში.

რაც შეეხება ყველაზე ეფექტურ ფიზიკურ აქტივობას, სპეციალისტები აღნიშნავენ, რომ თითქმის ნებისმიერი მოძრაობა სჯობს უმოძრაო ცხოვრებას. კვლევებიც ადასტურებს, რომ აქტიური ცხოვრების წესი გულის ჯანმრთელობისთვის გაცილებით სასარგებლოა, ვიდრე მუდმივი უმოქმედობა.

თუმცა მნიშვნელოვანია განსხვავება ვარჯიშსა და მძიმე ფიზიკურ შრომას შორის. მეცნიერების თქმით, სამუშაოსთან დაკავშირებულმა ინტენსიურმა ფიზიკურმა დატვირთვამ შესაძლოა ზოგიერთ შემთხვევაში ზიანი მოიტანოს. ახალი კვლევები მიუთითებს, რომ ფიზიკურად მძიმე პროფესიები კოგნიტური ფუნქციების დაქვეითების უფრო მაღალ რისკთან შეიძლება იყოს დაკავშირებული. ასეთ საქმიანობად ხშირად სახელდება მედდის, მომვლელის, სოფლის მეურნეობის სფეროში დასაქმებულის სამუშაო და სხვა პროფესიები, სადაც ადამიანები დიდხანს დგანან ფეხზე და მუდმივ სტრესში არიან.

ამიტომ, მიუხედავად იმისა, რომ ფიზიკური აქტივობა ჯანმრთელობისთვის აუცილებელია, სამუშაო გარემოში არსებული გადაჭარბებული ან მძიმე დატვირთვა შესაძლოა სხვადასხვა პრობლემის მიზეზი გახდეს.

პროფესორი გიორგი ფხაკაძე (MD, MPH, PhD)

დავით ტვილდიანის სამედიცინო უნივერსიტეტის პროფესორი, საქართველოს საზოგადოებრივი ჯანდაცვის ინსტიტუტის (PHIG) თავმჯდომარე, WHO-ს ექსპერტი, Relief International-ის მმართველი საბჭოს დირექტორი, Accreditation Canada-ს წარმომადგენელი საქართველოში და გაეროს გენერალური მდივნის ყოფილი მრჩეველი.

25+ წლიანი გამოცდილება საქართველოსა და საერთაშორისო ჯანდაცვის სისტემებში.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

iPhone: https://apps.apple.com/fr/app/sheni/id6746877342?l=en-GB

Android: https://play.google.com/store/apps/details…

Telegram არხი: https://t.me/SheniEkimi

შენი ექიმი – ცოდნა ჯანმრთელობისთვის.

#შენიექიმი #sheniekimi #

გიორგიფხაკაძე #ჯანმრთელობა #აქხარისხია #drpkhakadze