ტრადიციულად, ადამიანები დეკემბერში უფრო ხშირად მოგზაურობენ. ზოგი ჩქარობს ოჯახებს ეწვიოს შობა-ახალი წლის ერთად აღსანიშნავად, ზოგს კი უბრალოდ, მოკლე შვებულება სურს. ასეთი გაზრდილი მღელვარება აუცილებლად ზრდის ავიაბილეთების ფასებს „ყველაზე ცხელ“ დღეებში.
ტურისტული კომპანია Adventure Life-ის მოგზაურობის ექსპერტების აზრით, 2024 წელს ავიაბილეთები ყველაზე ძვირი ორშაბათს, 16 დეკემბერს და პარასკევს, 20 დეკემბერს იქნება.
ეს თარიღები, სავარაუდოდ, ყველაზე დატვირთული იქნება აეროპორტებში და „ფასები შეიძლება გაიზარდოს მაღალი მოთხოვნის გამო”. ამის ნაცვლად, მათ მოგზაურებს შესთავაზეს ფრენის დაგეგმვა ორშაბათს, 23 დეკემბერს, როდესაც „ფასები იკლებს“. 28-დან 31 დეკემბრის ჩათვლით პერიოდი „ასევე ნაკლებად ძვირია”, ვიდრე სხვა პერიოდები შობის დღეეებში.
„მიუხედავად იმისა, რომ ზოგიერთ მოგზაურს მიაჩნია, რომ შობის დღეზე ფრენა ფულის დაზოგვის საშუალებაა, ეს ყოველთვის ასე არ არის, რადგან ბევრ ადამიანს აქვს იგივე აზრი“, – ციტირებს მოგზაურობის ექსპერტებს Daily Mail-ი.
ამავდროულად, ტურისტებს, რომლებიც ასე არ არიან დამოკიდებული კონკრეტულ თარიღებზე, ურჩევენ განიხილონ დეკემბერის პირველ რიცხვებში ან თუნდაც ნოემბრის ბოლოს მოგზაურობის შესაძლებლობა.
„არამარტო შეგიძლიათ თავი აარიდოთ ავიაბილეთების სიძვირეს, არამედ ბევრი მიმართულება უკვე მორთულია საშობაო დეკორაციებით ნოემბრის ბოლოს, რაც საშუალებას მოგცემთ ისიამოვნოთ სადღესასწაულო განწყობით ხალხმრავლობის გარეშე“,- აღნიშნავენ ექსპერტები.
მასალის გამოყენების პირობები
