საზოგადოებრივი ჯანდაცვის ექსპერტი გიორგი ფხაკაძე სოციალურ ქსელში ბავშვობის ფოტოს აქვეყნებს, რომელიც დედასთან ერთად აქვს გადაღებული.
“მენატრები… დღეს ჩემთვის არის დედის დღე” – წერს გიორგი ფხაკაძე.
პროფესორი ოჯახზე საუბრობს და აღნიშნავს, რომ დედის რჩევები ხშირად ახსენდება და ცდილობს, გაითვალისწინოს…
“დედა – ტატიანა ფხაკაძე, პროფესიით ბიოფიზიკოსი, სამწუხაროდ, დიდი ხნის წინ გარდაიცვალა. მისი რჩევებიდან, ყველაზე მეტად დამამახსოვრდა, რომ სულ მეუბნებოდა, ჩხუბის დროსაც კი გაიღიმეო. არასდროს იჩხუბო, ვინც ჩხუბობს, ის ყოველთვის წაგებულია, მტერსაც უნდა გაუღიმოო” – ამბობდა გიორგი ფხაკაძე.
