ზამთრის სეზონზე გრიპის ვირუსის გააქტიურება და მთავარი პრევენცია
პედიატრი, თსსუ პროფესორი, ივანე ჩხაიძე, გადაცემაში“პირადი ექიმი მარი მალაზონია” 2025-2026 წლის ზამთრის სეზონზე გრიპის ვირუსის გააქტიურებაზე, შემთხვევების მატებასა და მთავარ პრევენციაზე საუბრობს:
„ახლა რესპირაციული ვირუსული ინფექციების მატების საწყის ეტაპზე ვართ. რა თქმა უნდა, პირველ რიგში, გრიპი იგულისხმება. ხაზს გავუსვამ, რომ არსებობს რამდენიმე კვლევა და რამდენიმე სერიოზული ექსპერტისა და ინსტიტუციის წინასწარი პროგნოზი, რომ 2025-2026 წლის სეზონი, გრიპის თვალსაზრისით, ერთ-ერთი ყველაზე მძიმე იქნება. ამის უკან ე.წ. ჰონგ-კონგის H3N2 ტიპის ვირუსია.
ეს არის A ტიპის გრიპის შტამი, რომელმაც ივნისში შვიდი გენეტიკური ცვლილება განიცადა. ასეთი მუტაციები, არსებული მონაცემების მიხედვით, ვირუსი უფრო მარტივად გადამდებია. ამიტომაც მოსალოდნელია, რომ სეზონური გრიპის შემთხვევებმა წელს შესაძლოა მნიშვნელოვან ზრდასაც მიაღწიოს.
იმ წყაროების მიხედვით, რომლებიც მუტაციებს აკვირდებიან, ამ ცვლილებებმა ვირუსს გადაცემის განსაკუთრებული სიმარტივე შესძინა. სწორედ ამიტომ არის მნიშვნელოვანი, რომ რისკის ჯგუფში მყოფი ადამიანები — მათ შორის პატარა ასაკის ბავშვების მშობლები, განსაკუთრებით კი 5 წლამდე ბავშვების — ყურადღებით მიუდგნენ ამ პროგნოზს და საჭირო სიფრთხილე გამოიჩინონ.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
