ველოსიპედით დაშავებულ 10 წლის ბავშვს ფეხის ამპუტაცია ჩაუტარდა — ოჯახი კლინიკის ექიმების პასუხისმგებლობის საკითხის დაყენებას ითხოვს
გორის მუნიციპალიტეტის სოფელ დიდ გარეჯვარში 10 წლის ბავშვი 3 ივლისს ველოსიპედით თამაშის დროს დაშავდა. მოგვიანებით მას ფეხის ამპუტაცია ჩაუტარდა.
გორის მუნიციპალიტეტის სოფელ დიდ გარეჯვარში 10 წლის ბავშვი “გორმედის” კლინიკაში ველოსიპედიდან გადმოვარდნისას მიღებული დაზიანებებით შეიყავნეს.
ოჯახის წევრები “ქართლის ამბებთან” საუბარში აცხადებენ, რომ ადგილობრივმა ექიმებმა ჯანმრთელობის მდგომარეობა სათანადოდ ვერ შეაფასეს და ბავშვს ფეხში თრომბი განუვითარდა. ოჯახის განცხადებით, დროული რეაგირების არ მოხდენის გამო, ბავშვს ფეხის ამპუტაცია დასჭირდა.
“ქართლის ამბების” ინფორმაციით, ოჯახი მომხდარში პასუხისმგებლობას კლინიკას აკისრებს და გეგმავს, რომ გორის პოლიციას საჩივრით მიმართავენ. ბავშვი ამჟამად თბილისში, ინგოროყვას კლინიკაში აგრძელებს მკურნალობას.
