უკვე 200 წელზე მეტია, იმუნიზაცია თაობიდან თაობას იცავს.
ვაქცინაციის წყალობით, სრულიად აღმოიფხვრა ყვავილი, პოლიოვირუსი მხოლოდ ორ ქვეყანაში დარჩა, ხოლო წითელას, წითურას, ტუბერკულოზის, ყივანახველას, ტეტანუსისა და დიფთერიის შემთხვევებმა მკვეთრად იკლო.
დღეს ყველა ქვეყანას აქვს იმუნიზაციის ეროვნული პროგრამა და ვაქცინები მიიჩნევა სიკვდილის პრევენციის და სიცოცხლის ხარისხის გაუმჯობესების ერთ-ერთ ყველაზე უსაფრთხო, ხარჯთეფექტურ და წარმატებულ საშუალებად.
