რა არის პაპილომა ვირუსი და როგორ შეიძლება ბრძოლა მის წინააღმდეგ?
ამის შესახებ გინეკოლოგი, რეპროდუქტოლოგი მადლონა ჯუღელი საუბრობს.
მისივე თქმით, კვლევებმა აჩვენა, რომ 17 წლამდე ჩატარებული ვაქცინაცია 90%-ით იცავს ორგანიზმს. აღსანიშნავია ისიც, რომ ვაქცინაცია უფასოა.
„პაპილომა ვირუსი საშვილოსნოს ყელის კიბოს გამომწვევია და მამაკაცებში იწვევს ოროფარინგული კიბოს, რომელიც დღესდღეობით, ძალიან აქტუალური გახდა.
ვირუსი ყველაზე ხშირად სქესობრივი გზით გადამდები ინფექციაა, მატარებელია როგორც მამაკაცი, ასევე, ქალი. მამაკაცის შემთხვევაში, ნაკლებად ვლინდება. ცხოვრების განმავლობაში, ამ ვირუსით 10 ქალიდან 8 ინფიცირდება.
ყველაზე ხშირია, 30 წლამდე ადამიანებში. ვირუსს ასეთი უნარი აქვს: არ ჩანს, ვერ გრძნობ, ვერ ხედავ. სიმპტომები არ გააჩნია. სანამ ქსოვილი ონკოლოგიურ პათოლიგიაში არ გარდაიქმნება, მანამ, პაციენტს არანაირი ჩივილი არ აქვს. თუმცა, დროული დიაგნოსტიკა და პრევენცია გვაძლევს საშუალებას, ეს დაავადება 100%-ით თავიდან ავიცილოთ, მაგრამ, როცა ონკოლოგიაა, სიმპტომები ასეთია: სისხლიანი გამონადენი, სქესობრივი ურთიერთობის დროს დისკომფორტი, მენსტრუალური ციკლის დარღვევა – სამწუხაროდ, აქ არის ონკოლოგია.
ერთადერთი კიბოა, რომლის გამომწვევი მიზეზი ვიცით, ვიცით, როგორ დავიცვათ თავი. სტატისტიკურად, დაავადებამ მეხუთე ადგილზე გადაინაცვლა, მანამდე, მეორეზე იყო. ჩვენ შეგვიძლია, რომ სრულად აღმოვფხვრათ.
თუ პაპილომა ვირუსით ვინფიცირდებით, ვირუსი 80%-ით ტოვებს ორგანიზმს და მიდის, ეს არ ნიშნავს, რომ მე დაინფიცირებული ვარ და კიბო დამემართება. ის 20% რჩება. არსებობს ვირუსის ონკო-ტიპები, რომლის დასადგენადაც კვლევას ვატარებთ. არის კიდევ „ხელშემწყობი“ ფაქტორები, ესაა თამბაქო, სხვა გადამდები ინფექციები, ჰორმონალური დარღვევები და ა.შ.
როდესაც დედა მშობიარობს და ბავშვი სამშობიარო გზებს გადის, ამ დროსაც გადამდებია. ასევე, არ იცავს კონდომი, ზედაპირული ურთიერთობის დროსაც, დასაშვებია, რომ ლორწოვანი კანზე მოხვდეს და ხდება ინფიცირება. ასევე, ვირუსი ნანახია ემბრიონში.
გარდა იმისა, რომ ვაქცინაციით საკუთარ თავს ვიცავთ, იცავ პარტნიორს, ასევე შენს მომავალს“, – აცხადებს გინეკოლოგი.
