“Accreditation Canada”-ს წარმომადგენლებმა იულია შჩერბინამ და კატერინა ტარასოვამ ISQua-ს მე-40 საერთაშორისო კონფერენციაზე, რომელიც სტამბულში, თურქეთში, 2024 წლის 25-27 სექტემბერს იმართება, “აკრედიტაცია კანადის” (Accreditation Canada) და მისი პარტნიორების – “საქართველოს საზოგადოებრივი ჯანდაცვის ინსტიტუტისა” და “აკრედიტაცია საზღვრებს გარეშეს” (PHIG/ASF) ერთობლივი მიღწევები წარადგინეს.
ხაზი გაესვა იმ ფაქტს, რომ აღნიშნული პარტნიორობა საქართველოს ჯანდაცვის სფეროში ბოლო ორი წლის განმავლობაში ხელს უწყობს ხარისხის სტანდარტების გაუმჯობესებასა და საერთაშორისო სტანდარტების დანერგვას ქვეყანაში.
“აკრედიტაცია კანადა”, როგორც ISQua-ს დამფუძნებელი წევრი, წლების განმავლობაში ერთ-ერთი უმნიშვნელოვანესი ძალაა ჯანდაცვის ხარისხის საერთაშორისო სტანდარტების განვითარებაში. ISQua-ს როლი ამ სფეროში განუზომელია, რადგან ის წარმოადგენს გლობალურ პლატფორმას, რომელიც აერთიანებს ექსპერტებსა და ლიდერებს 80-ზე მეტი ქვეყნიდან, რათა გაზარდონ ჯანდაცვის სტანდარტების უსაფრთხოება და ეფექტურობა.
ISQua-ს ფარგლებში არსებული შეხვედრები და გამოცდილების გაზიარება ისეთ ქვეყნებთან, როგორებიცაა საქართველო, განსაკუთრებით მნიშვნელოვანია, რადგან აჩვენებს, რომ ხარისხის საერთაშორისო სტანდარტების დანერგვა გარდამავალ და განვითარებად ქვეყნებშიც შესაძლებელია.
კონფერენციაზე “აკრედიტაცია კანადის” წარმომადგენლებმა აღნიშნეს, რომ “Accreditation Canada”-სა და “PHIG”-ის თანამშრომლობით, ბოლო ორი წლის განმავლობაში, 20-ზე მეტი ორგანიზაცია საქართველოში წარმატებით გადის “აკრედიტაცია კანადის” სტანდარტების დანერგვის პროცესს. ეს მაგალითი ნათლად აჩვენებს, რომ ფინანსური, ადამიანური და ტექნიკური რესურსების ნაკლებობის მიუხედავად, შესაძლებელია უმაღლესი ხარისხის სტანდარტების მიღწევა და განხორციელება, რაც უდიდესი პროგრესის ნიშანია საქართველოს ჯანდაცვის სისტემისთვის.
” PHIG-ის გუნდი, რომელიც ადგილობრივად შეიქმნა და დატრენინგდა, თამაშობს უმნიშვნელოვანეს როლს საქართველოში ამ პროცესის წარმატებით იმპლემენტაციაში.”
ძლიერი ადგილობრივ კონსულტანტთა გუნდი უზრუნველყოფს საქართველოს საავადმყოფოებში აკრედიტაციის პროცესების მხარდაჭერას ქართული ენისა და ადგილობრივი კონტექსტის გათვალისწინებით, რაც ადაპტაციისა და ლოკალიზაციის პროცესს მეტად ამარტივებს და ეფექტურს ხდის.
“ISQua 2024” არის კიდევ ერთი შანსი იმის წარმოსაჩენად, რომ “PHIG/ASF”-ისა და “აკრედიტაციის კანადასთან” პარტნიორობა არა მხოლოდ ხელს უწყობს საერთაშორისო სტანდარტების ლოკალიზაციას, არამედ ქმნის მასშტაბურ მოდელს, რომელიც გამოყენებადია სხვა განვითარებად ქვეყნებშიც. ეს მოდელი არა მხოლოდ ჯანდაცვის ხარისხის გაუმჯობესებას უწყობს ხელს, არამედ აყალიბებს ახალ გლობალურ სტანდარტს, რომელიც შეიძლება განხორციელდეს სხვადასხვა სოციალურ და ეკონომიკურ კონტექსტში.
აღსანიშნავია, რომ PHIG-ის გუნდი უკვე წარმატებით ახორციელებს ადგილობრივი მრჩევლების მომზადებასა და აკრედიტაციის პროცესის კონსულტაციებს საქართველოს საავადმყოფოებში, რაც საქართველოს ჯანდაცვის სისტემაში მნიშვნელოვანი ცვლილებების მომტანი იქნება. ეს პროცესები არა მხოლოდ სისტემურ გაუმჯობესებებს შეუწყობს ხელს, არამედ პაციენტთა უსაფრთხოებისა და ზრუნვის ხარისხის სტანდარტების ამაღლებასაც – აღნიშნა “აკრედიტაცია კანადის” გუნდმა კონფერენციაზე.
ცნობისთვის:
საქართველოში სამედიცინო დაწესებულებების აკრედიტაციის პროცესი მიმდინარეობს.
საყოველთაო ჯანდაცვის პროგრამაში ჩართულ კლინიკებს 2025 წლის იანვრამდე კანონი საერთაშორისო აკრედიტაციის გავლას ავალდებულებს, რაც იმას ნიშნავს, რომ 2025 წლის იანვრიდან საყოველთაო პროგრამაში მონაწილე ყველა კლინიკას უნდა ჰქონდეს გავლილი საერთაშორისო აკრედიტაცია.
პაციენტის უსაფრთხოება, ხარისხიანი ჯანდაცვა, სამედიცინო სერვისები, კვალიფიციური პერსონალი, გამართული ინფრასტრუქტურა, პაციენტის ჩართვა კლინიკების განვითარების პროცესში – ეს იმ მოთხოვნების ნაწილია, რომელსაც კლინიკები უნდა აკმაყოფილებდნენ. კლინიკებისთვის აკრედიტაციის გავლა
“აკრედიტაცია კანადას” საქართველოში ჰყავს ქართველი ექსპერტები, რომლებიც ეხმარებიან კლინიკებს საერთაშორისო სტანდარტების დაკმაყოფილებაში. მრჩევლები უკვე რამდენიმე თვეა, აქტურ და უწყვეტ რეჟიმში ეხმარებიან და კონსულტაციებს უწევენ კლინიკებს აკრედიტაციისთვის საჭირო ყველა სტანდარტის დანერგვასთან დაკავშირებით.
სულ მალე კი საქართველოში კანადიდან ჩამოვა შემმოწმებელი გუნდი და აღნიშნული კლინიკების აკრედიტაციის დასკვნით ეტაპს გაივლის – გადაწვეტს, ესა თუ ის კლინიკა მიიღებს თუ არა აკრედიტაციას.
საქართველოშია და კლინიკების საერთაშორისო აკრედიტაციას აწარმოებს.
ორგანიზაციის სათავო ოფისი მდებარეობს ოტავაში. Accreditation Canada-ს აქვს სატელიტური ოფისები ტორონტოში, მონრეალსა და ბრიუსელში.
《აკრედიტაცია კანადა》აღჭურვილია მცოდნე და გამოცდილი გუნდით, 1000-ზე მეტი პროფესიონალით, საგნის ექსპერტებით და პარტნიორებით, რომლებიც მუშაობენ კლინიკებთან კანადასა და მთელ მსოფლიოში, მათშორის საქართველოში.
《აკრედიტაცია კანადის》 წარმომადგენელი საქართველოში არის საზოგადოებრივი ჯანდაცვის საერთაშორისო ექსპერტი, პროფესორი გიორგი ფხაკაძე.
მიმდინარე წლის გაზაფხულზე გიორგი ფხაკაძე საქართველოში საქმიანი ვიზიტით იმყოფებოდა და ორგანიზაციის აღმასრულებელ ვიცე- პრეზიდენტ კატერინა ტარასოვასთან ერთად ინტენსიურ რეჟიმში მართავდა შეხვედრებს/ტრენინგებს ყველა კლინიკასთან, რომელიც 《აკრედიტაცია კანადის》ჩართულობით გადის საერთაშორისო აკრედიტაციის პროცესს.
Accreditation Canada-ს 1000-ზე მეტი ექსპერტი
60 წელზე მეტია, 12 500-ზე მეტ ლოკაციაზე, 40-ზე მეტ ქვეყანაში მუშაობს ჯანდაცვის, სოციალური და საზოგადოებრივი მომსახურების ორგანიზაციებთან ხარისხისა და უსაფრთხოების გასაუმჯობესებლად.
#drpkhakadze #sheniekimi
