როგორ მოვიქცეთ ბავშვებში საკვებით ინტოქსიკაციის დროს? – პრაქტიკული რჩევები – „როდესაც ბავშვი გვყავს სახლში, სჯობს, რომ ტკბილეული მომზადდეს უფრო ჯანსაღად” – პედიატრი
საუბრობს პედიატრი, თაკო კოკაია გადაცემაში „იმუნიტეტი” – „როდესაც ბავშვი გვყავს სახლში, ჯობს, რომ ტკბილეული მომზადდეს უფრო ჯანსაღად“
„როდესაც ბავშვი გვყავს სახლში, სჯობს, ტკბილეული მომზადდეს უფრო ჯანსაღად. ვეცადოთ, თავისუფალი შაქარი ავირიდოთ თავიდან.
თავისუფალი შაქარი ნიშნავს საკვებში, პროდუქტში დამატებულ შაქარს. ხილი, ბოსტნეული თვითონ შეიცავს შაქარს, ამიტომ, გამოვიყენოთ ეს პროდუქტები ბაშვებისთვის ტკბილეულის მოსამზადებლად. თაფლიც კი თავისუფალი შაქრის შემცველია.
2 წლამდე ბავშვებისთვის საერთოდ აკრძალულია თავისუფალი შაქრის მიღება, 4 წლამდე გაიდლაინი საერთოდ არ არსებობს, რა დოზით უნდა მიიღოს ბავშვმა დღიურად შაქარი. 4 წლიდან 6-7 წლამდე, თურმე, სულ 19 გრამი შაქარია დაშვებული, დღიური დოზა. უამრავი რეცეპტი შეიძლება, მოვძებნოთ ჯანმრთელი ტკბილეულის დასამზადებლად”.
როგორ უნდა მოიქცეს მშობელი საკვებისმიერი ინტოქსიკაციის დროს.
„საკვებისმიერი ინტოქსიკაციის გამომწვევი შეიძლება, იყოს ბაქტერიები, ვირუსები, პარაზიტები და ბაქტერიების მიერ გამოყოფილი ტოქსინებიც. პრევენცია არის სისუფთავის დაცვა. სამზარეულოში, აბაზანაში არის ქიმიკატები, რომლებიც ძალიან საშიში შეიძლება, იყოს ჯანმრთელობისთვის. პირველი, რაც შეიძლება, სახლის პირობებში გავაკეთოთ, არის ის, რომ, იქნებ, კუჭი ამოვრეცხოთ. ასევე, ვიძახებთ სასწრაფო დახმარების ბრიგადას ან გავრბივართ ბავშვთა კლინიკაში, რათა აღმოვუჩინოთ ბავშვს სასწრაფო დახმარება” – განაცხადა პედიატრმა, თაკო კოკაიამ.
