რა იწვევს ყველაზე ხშირად ბავშვებში მუცლის ტკივილს?
რა ჩივილები შეიძლება ახლდეს ამ პრობლემას?
საუბრობს ბავშვთა გასტროენტეროლოგი მარიამ ღუღუნიშვილი გადაცემაში „პირადი ექიმი“:
„ნაწლავი ძალიან დიდია, დიდი ფუნქცია და უნარებიც აქვს. ცენტრალური ნერვული სისტემა და კონკრეტული ნაწლავის ნერვული სისტემა ერთმანეთთან ჩვენდა უნებურად ძალიან დიდ კომუნიკაციაშია.
ამას სასიკეთო დატვირთვაც აქვს, თუმცა ხანდახან უარყოფითი. გააჩნია, რა კუთხით წარიმართება კომუნიკაცია. ამას ტვინსა და ნაწლავს შორის „ჩუმ საუბარს“ ეძახიან. გარემოზე ბავშვის რეაგირება ძალიან ინდივიდუალურია. ყველა თავის ემოციასა და შფოთვას სხვადასხვანაირად გამოხატავს. ზოგი ტკივილის, ზოგი სხვა ქმედებების სახით. მშობელს უნდა ჰქონდეს უნარი, გაარჩიოს, რამდენადაა ბავშვი ამ შფოთვაში ჩართული და რამდენად ახდენს მასზე გარემო გავლენას.
ხშირ შემთხვევაში, ბავშვსაც ძალიან ბევრი რამის გადმოცემა შეუძლია. იქნება ეს სიტყვიერი თუ ქცევითი. ექიმი ხშირად ქცევით ხვდება, რამდენადაა ტკივილი შფოთვასთან დაკავშირებული.“
