ჯანდაცვის მინისტრი მიხეილ სარჯველაძე, გადაცემაში „დღის ქრონიკა“ საუბრობს:
„მნიშვნელოვანია, ყოველი 1-ელი ივნისიდან, მომდევნო წლის 1-ელ ივნისამდე, ყოველი დღე, ვაქციოთ ბავშვთა დღედ. სწორედ ამიტომ, ჯანდაცვის სამინისტრო, იწყებს სისხლის უანგარო დონაციის კამპანიას, რომელში ჩართვასაც, ყველა მსურველი შეძლებს. უანგარო დონაციის შესახებ კანონმდებლობის გარდაქმნა, ევრო ასოცირების ხელშეკრულებით არის გათვალისწინებული.“
როგორც მინისრტრმა აღნიშნა, როდესაც საქმე ეხება ონკოლოგიური დაავადებების მქონე პაციენტი ბავშვის ინტერესს, მისი მშობლების, მისი გულშემატკივრებისა და ახლობლების ფსიქოლოგიურ მდგომარეობას, მნიშვნელოვანია, რომ ყველამ თავი შეიკავოს ასეთი თემების გამოყენებით ქულების დაწერისგან.
„ონკოლოგიარი დიაგნოზის მქონე ბავშვის მკურნალობასთან დაკავშირებულ ყველა ხარჯს, სახელმწიფო იღებს საკუთარ თავზე. რაც შეეხება ცალკეულ ინიციატივებს, მაგალითად ფსიქოლოგიური მხარდაჭერის,ცნობიერების ამაღლების და ა.შ. აქტივობებს, რომელიც შეიძლება დონორული მხარდაჭერით ფინანსდებოდეს, მე პირადად მოვუწოდებ ყველას, რომ გააგრძელონ, რადგან, თუნდაც უცხოეთიდან მომდინარე ინტერესი, რომ ბავშვებს დაეხმარონ, ეს არის, რა თქმა უნდა, კეთილშობილური ინტერესი.
უცხოური ინტერესი თუ არსებობს იმისა, რომ საქართველოში ბავშვები უკეთ გრძნობდენენ თავს, არ მგონია ამაში რაიმე სათაკილო იყოს და ამის გამოაშკარავება, ამისთვის სახელის დარქმევა, რამენაირად ხელს უშლიდეს ვინმეს, გააგრძელოს საქმიანობა. ეს არის საქართველოში ისეთი უცხოური ინტერესი, რომელსაც არათუ მივესალმებით, არამედ ათჯერ მეტ მადლობას გადავუხდით.“ – განაცხადა მინისტრმა.
