დიათეზი – ეს არის კომპლექსური სიმპტომი, რომელიც მოწმობს ბავშვის ორგანიზმში გარკვეულ პრობლემებს. დიათეზმა შეიძლება გამოიწვიოს ქრონიკული დაავადებების განვითარება, ამიტომ მნიშვნელოვანია, რომ მოხდეს მისი დროული და სწორი მკურნალობა.
დღეისათვის არსებობს აღნიშნული დაავდების რამდენიმე სახეობა:
· ჰემორაგიული დიათეზი (სისხლდენისკენ მიდრეკილება);
· შარდმჟავა დიათეზი (პურინებისა და შარდმჟავას მიმოცვლის დარღვევა);
· მარილიანი დიათეზი (თირკმელების პათოლოგიასთან დაკავშირებული დაავადება);
· თირკმელების დიათეზი.
მიზეზები
დიათეზის ძირითადი მიზეზებია შემდეგი ფაქტორები:
· ჯირკვლების პრობლემები;
· ლიმფური პრობლემები;
· კანის დაავადებები;
· ნერვული აშლილობა;
· აღნიშნული დაავადებისადმი მემკვიდრეობითი მიდრეკილება;
· ფეხმძიმობის დროს დედის არასწორი კვება;
· ფეხმძიმობის პერიოდში სხვადასხვა სამკურნალო პრეპარატების გამოყენება;
· სიცოცხლის პირველ თვეებში ბავშვის არასწორი კვება;
· დედის მიერ საკვებად ალერგიის გამომწვევი პროდუქტების გამოყენება, როგორიცაა: ციტრუსები, ყავა, მარწყვი, ხიზილალა, შოკოლადი და ა.შ.;
· არასასურველი ეკოლოგიური სიტუაცია რეგიონში, სადაც ოჯახი ცხოვრობს.
სიმპტომები
მეძუძურ ბავშვებში დიათეზის სიმპტომები ვლინდება შემდეგი სახით:
· ხშირი და თხელი კალა;
· გამონაყარი ტანზე;
· ქუთუთოების სიწითლე.
1-დან 3 წლამდე ბავშვებში სიმტომები ასეთია:
· გამონაყარი;
· ტკივილი მუცლის არეში;
· ქუთუთოების სიწითლე;
· ყელის ტკივილი;
· ქავილი;
· ხრინწიანი ნახველი.
3 წლის ზევით ბავშვებში სიმპტომები ვლინდება კანზე გამონაყარითა და ქავილით.
დიაგნოსტიკა
დიათეზის დიაგნოსტიკას ატარებს ექიმი-პედიატრი სიმპტომატიკაზე დაყრდნობით, დედისა და ბავშვის გასინჯვით. აუცილებლობის შემთხვევაში პედიატრმა შეიძლება დანიშნოს ლაბორატორიული გამოკვლევები:
· სისხლის საერთო ანალიზი;
· შარდის საერთო ანალიზი.
მკურნალობა
დიათეზის მკურნალობის დაწყება საჭიროა მისი პირველივე ნიშნების გამოვლენისას. მკურნალობის ძირითადი მეთოდებია:
· დიეტოთერაპია;
· დღის რაციონალური რეჟიმი;
· კანის მოვლა;
· ფიზიოთერაპიული ზემოქმედება.
ალერგიული დიათეზის მქონე ბავშვებისთვის რეკომენდირებულია ძუძუთი კვება.
მედიკამენტური მკურნალობისთვის საჭიროა შემდეგი სახის პრეპარატები:
· ანტიჰისტამინური საშუალებები;
· სედატიური პრეპარატები;
· В ჯგუფის ვიტამინები;
· პრობიოტიკები.
ადგილობრივი თერაპიის მეშვეობით დიათეზის მკურნალობა გულისხმობს კანის დამუშავებას კოსმეტიკური საშუალებებით, ასევე გვირილას, სალბის, მუხის ქერქის ნახარშით დაბანას. გარდა ამისა, რეკომენდირებულია ბავშვების გაკაჟება.
დიათეზის მკურნალობის დასადგენად საჭიროა მივმართოთ ბავშვთა პედიატრს, დერმატოლოგს და ალერგოლოგს. სპეციალისტები დეტალურად გაწერენ როგორ უნდა მოვაშოროთ ბავშვს დიათზი და მათ მეთვალყურეობის ქვეშ ბავშვი განვითარდება ნორმალურად.
დიეტა
ნერვულ-ართრიტული დიათეზის მქონე ბავშვების რაციონში უნდა შეიზღუდოს ცილების შემცველი პროდუქტები.
საშიშროება
დიათზის გართულებას შეიძლება მოჰყვეს ისეთი დაავადებების განვითარება, როგორიცაა:
· ეგზემა;
· დერმატიტი;
· ფსორიაზი;
· ნეიროდერმიტი.
პროფილაქტიკა
დიათეზის პროფლაქტიკისთვის ფეხმძიმობის დროს დედას უნდა ჰქონდეს ჯანსაღი ცხოვრების წესი და რაციონიდან გამორიცხოს პროდუქტები, რომლებშიც არის ალერგენების მაღალი შემცველობა.
