თბილისის სახელმწიფო სამედიცინო უნივერსიტეტის პროფესორი, ქალბატონი მაია ხერხეულიძე საუბრობს თემაზე: ზაფხულის სეზონზე ბავშვებში გავრცელებული ვირუსული და ბაქტერიული ინფექციები.
„რა თქმა უნდა, ვირუსული და ბაქტერიული ინფექციები გაზაფხულსა და ზაფხულშიც ხშირია. ყველაზე კრიტიკული მაინც ზამთრის სეზონია.
განსაკუთრებით ხშირია ქუნთრუშისა და ჩუტყვავილას შემთხვევები ბაღისა და სკოლის ასაკის ბავშვებში. სამწუხაროდ, ჩვენს ქვეყანაში ყოველთვის გართულებული იყო ვაქცინაცია. ასეთი პრობლემა მთელ მსოფლიოში აქტუალურია, მაგრამ საქართველოში გარკვეული პერიოდით მაინც შევძელით პრობლემის მოგვარება, ახლა ძალიან შემცირდა აცრილთა რაოდენობა. ჩვენთან წითელას „აფეთქება“ ზრდასრულ მოსახლეობაში ვაქცინაციაზე უარის თქმამ გამოიწვია.
ვირუსული ინფექციები ყველაზე აგრესიულად პატარებში, განსაკუთრებით ბაღში ახლად წასულ ბავშვებში ვრცელდება, რომელთა წრე მანამდე მხოლოდ ოჯახით იყო შეზღუდული ახლა კი, უამრავ ადამიანთან უწევთ ურთიერთობა.
ყელის ტკივილი მართლაც სერიოზული პრობლემაა, რომელიც ვირუსულთან ერთად ბაქტერიული ინფექციების თანმხლებიცაა, აუცილებელია დიფერენციაცია და განსაზღვრა, თუ რამ გამოიწვია ყელის ტკივილი. ბაქტერიული ინფექციების, განსაკუთრებით ახლა გავრცელებული სტრეპტოკოკული ფარინგიტების შემთხვევაში აუცილებელია სწრაფი დიაგნოსტიკა და ანტიბაქტერიული თერაპიის დანიშვნა, რადგან არასწორი ან დაგვიანებული მკურნალობა საკმაოდ მძიმე გართულებებს იწვევს. ძლიერი ყელის ტკივილის დროს, როდესაც ბავშვს უმადობა აქვს და საკვების მიღება უჭირს, მშობელმა დაუყოვნებლივ უნდა მიმართოს ექიმს. თუმცა, ყელის ტკივილის გარდა ბავშვებს პირის ღრუს სხვა პრობლემებიც ხშირად აქვთ, მაგალითად, სტომატიტი, კანდიდოზური ინფექცია, ღრძილების ანთება და სხვა, როცა ასევე აუცილებელია სპეციალისტის შეფასება და სწორი დიაგნოზის დასმა, თუმცა მანამდე მშობელს თვითონ შეუძლია ბავშვის მკურნალობა ურეცეპტო მედიკამენტებით…“
#datashvil #drpkhakadze #sheniganatleba #sheniambebi #shenipulsi
