ბელორუსიაში დასასრულს მიუახლოვდა ფიტნეს კლუბების ლიცენზირების ეტაპი. როგორც ცნობილია, ეს პროცესი ბელორუსიაში 2023 წლის ივლისიდან დაიწყო, რასაც მოუმზადებელი ფიტნეს დარბაზების მხრიდან დიდი პროტესტი მოყვა, თუმცა, ამან ხელი ვერ შეუშალა ლიცენზირების პროცესის განხორციელებას.
რას ამბობს კანონი?
2023 წლის 1 ივლისს ბელორუსიაში ძალაში შევიდა №200-3 კანონი „ფიზიკური კულტურისა და სპორტის კანონებში ცვლილების შეტანის შესახებ“. მინისტრთა საბჭომ დააწესა მოთხოვნები სპორტული ორგანიზაციებისთვის, რომელთათვის სავალდებულოა აკრედიტაციის გავლა.
თუ ადრე მხოლოდ სპეციალიზებული საგანმანათლებლო და სპორტული დაწესებულებები ექვემდებარებოდნენ სახელმწიფო აკრედიტაციას, 2023 წლის ივლისიდან ეს პროცედურა უკვე გავრცელდა ყველა შესაბამის ორგანიზაციაზე.
სპორტისა და ტურიზმის სამინისტრომ სტრუქტურების აკრედიტაციის პროცესი 3 მიმართულებად დაყო:
1) ფიზიკური კულტურის განვითარება (ფიტნეს ცენტრები, სპორტდარბაზები, ინდივიდუალური და ჯგუფური ვარჯიშები);
2) კერძო ხასიათის საზოგადოებრივი სპორტული ღონისძიებების ჩატარება და მათში მონაწილეობა (მარათონი, რბოლა, ცურვა);
3) სავარჯიშო სპორტული რეზერვი და მაღალი კლასის სპორტსმენები (პროფესიონალი სპორტსმენების მომზადება, რომლებიც მონაწილეობენ ჩემპიონატებსა და შეჯიბრებებში ჯილდოებითა და ტიტულებით).
ფიზიკურ კულტურასთან დაკავშირებული აქტივობების ჩამონათვალი დეტალურად შეგიძლიათ იხილოთ ბელორუსიის რესპუბლიკის სპორტისა და ტურიზმის სამინისტროს 2023 წლის 5 მაისის №29 განკარგულებაში.
2024 წლის 1 იანვრიდან აკრედიტაცია უნდა გაიაროს ყველა დაწესებულებამ, რომელსაც სურს სპორტისა და ფიზიკური კულტურის სფეროში საქმიანობა. ეს სახელმწიფო ორგანოებს საშუალებას მისცემს გააკონტროლონ და დაარეგულირონ სპორტული დაწესებულებების მუშაობა, როგორც კერძო (ინდივიდუალური მეწარმეები, შპს-ები, სსიპ-ები და ა.შ.), ასევე არაკომერციული ტიპის (ფონდები, ფედერაციები და ა.შ.) საგანმანათლებლო დაწესებულებები.
დოკუმენტში ასევე ნათქვამია, რომ საშუალო სპეციალიზებული ან უმაღლესი ფიზიკური განათლების მქონე ინსტრუქტორებს შეუძლიათ იმუშაონ ფიტნეს დარბაზებში. ეს წესები უზრუნველყოფს მასობრივი სპორტული ღონისძიებების ჩატარებას შესაბამისი დებულებების შესაბამისად; ფიტნეს დარბაზებში შესაძლებელია მხოლოდ სპეციალიზებული ფიზიკური აღზრდის განათლების მქონე ფიტნეს ინსტრუქტორებისა და მწვრთნელების დასაქმება.
#datashvil #drpkhakadze #sheniganatleba #sheniambebi #sheniekimi
მასალის გამოყენების პირობები
