საქართველოს საზოგადოებრივი ჯანდაცვის ინსტიტუტის ხელმძღვანელი, ჯანდაცვის ექსპერტი, პროფესორი გიორგი ფხაკაძე სურსათის ეროვნული სააგენტოს მიერ დანონის“ პროდუქციის კონკრეტული პარტიების მოკვლევას ეხმიანება.
„ამაზე გუშინ საღამოს გაგაფრთხილეთ. მივესალმები სურსათის ეროვნული სააგენტო / National Food Agency ოპერატიულ მოქმედებას.
ვფიქრობ, სააგენტოს დაფინანსება უნდა გაიზარდოს!“ – ამბობს გიორგი ფხაკაძე.
გიორგი ფხაკაძემ 6 თებერვალს მშობლები გააფრთხილა, რომ Aptamil და Cow & Gate ჩვილისა და შემდეგი ასაკის ფორმულების რამდენიმე დამატებითი პარტია გაიწვიეს ბაზრიდან იმის გამო, რომ შესაძლოა შეიცავდეს ტოქსინს (ბაქტერიული ცერულიდი), რომელიც საკვების მოწამვლის სიმპტომებს იწვევს (ნაბახუსევი, ღებინება და სხვა).
სურსათის ეროვნული სააგენტოს ზედამხედველობით, „დანონის“ ბავშვთა კვების პროდუქტების კონკრეტული პარტიების მოკვლევა მიმდინარეობს.
სურსათის ეროვნულმა სააგენტომ მულტინაციონალური კომპანიიდან „დანონი ნუტრიცია“ მიიღო შეტყობინება „დანონის“ პროდუქციის კონკრეტული პარტიების ბაზრიდან გამოთხოვის შესახებ, რაც განპირობებულია პრევენციით, კონკრეტულად, ევროპის სურსათის უვნებლობის ორგანოს (EFSA) ახალი სახელმძღვანელო მითითებებით და არ უკავშირდება სურსათის უვნებლობის სტანდარტების დარღვევას.
