ფრინველის გრიპის ვირუსმა, რომელიც ვრცელდება გარეულ ფრინველებში, შინაურ ფრინველებსა და ძუძუმწოვრებში, შესაძლოა COVID-19-ზე უფრო მძიმე პანდემია გამოიწვიოს, თუ ის მუტაციას განიცდის და ადამიანიდან ადამიანზე გადამდები გახდება – ამის შესახებ განცხადება საფრანგეთში, პასტერის ინსტიტუტის რესპირატორული ინფექციების ცენტრის ხელმძღვანელმა გააკეთა.
Reuters-ის ცნობით, მაღალპათოგენურმა ფრინველის გრიპმა, რომელსაც ჩვეულებრივ ფრინველის გრიპს უწოდებენ, ბოლო წლებში ასობით მილიონი ფრინველი იმსხვერპლა, რამაც საკვების მარაგის შეფერხება და ფასების ზრდა გამოიწვია, თუმცა ადამიანებში ინფიცირება იშვიათია.
“ჩვენ ვშიშობთ, რომ ვირუსი ძუძუმწოვრებთან, განსაკუთრებით კი ადამიანებთან ადაპტაციის შემდეგ, ადამიანიდან ადამიანზე გადაცემის უნარს შეიძენს და ეს ვირუსი პანდემიად იქცევა”, – განუცხადა reuters-ს პასტერის ინსტიტუტის რესპირატორული ინფექციების ცენტრის სამედიცინო დირექტორმა, მარი-ან რამე-ველტიმ.
ცნობისთვის, პასტერის ინსტიტუტი იყო ერთ-ერთი პირველი ევროპული ლაბორატორია, რომელმაც შეიმუშავა და გაუზიარა COVID-19-ის დიაგნოსტიკური პროტოკოლები ჯანდაცვის მსოფლიო ორგანიზაციას და მსოფლიოს ლაბორატორიებს.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
