როგორაა შესაძლებელი სხვადასხვა არაგადამდები დაავადებების მეთვალყურეობა ტელემედიცინის მეშვეობით?
საქართველოში, 110 სოფლის ამბულატორიაში უკვე დაინერგა ტელემედიცინის
სერვისები. ეს ნიშნავს რომ პაციენტს შეუძლია ასთმასთან, დიაბეტთან თუ გულსისხლძარღვთა დაავადებებთან დაკავშირებული კონსულტაციები სპეციალისტ ექიმებთან თავისივე სოფლის ამბულატორიიდან მიიღოს.
ტელემედიცინის დანადგარის მეშვეობით და ამბულატორიის ექიმის დახმარებით, პაციენტს შეუძლია დისტანციურად, ვიდეო ზარით დაუკავშირდეს სპეციალისტ ექიმს და მასთან ერთად განიხილოს სხვადასხვა დაავადებების სიმპტომები, ხელისშემწყობი ფაქტორები და თავიდან აცილებისა თუ მკურნალობის შესაძლებლობები.
ისეთი ხელსაწყოების გამოყენებით, როგორიცაა, მაგალითად, ციფრული ელექტროკარდიოგრამა (ეკგ) და ციფრული ოფთალმოსკოპი, ექიმი შეძლებს დისტანციურად გამოიკვლიოს პაციენტის გულისა და სისხლძარღვების მდგომარეობა და მისცეს შესაბამისი დანიშნულება; ვიდეოკონსულტაციის დროსვეა შესაძლებელი დიაბეტის რისკების შეფასება, სხვადასხვა
ფაქტორების განხილვა, ხოლო ციფრული ოფთალმოსკოპით ექიმი შეძლებს გამოიკვლიოს პაციენტის თვალის მდგომარეობა და დროულად გამოავლინოს დიაბეტით გამოწვეული შესაძლო დაზიანება.
დისტანციური კონსულტაციების დროს ასევე შესაძლებელია დანიშნულების მიღება თუ მკურნალობის სქემის შეცვლა, რაც პაციენტის ინდივიდუალურ საჭიროებებზე მორგებული მომსახურების შესაძლებლობას იძლევა.
დღეს ტელემედიცინის დანადგარები საქართველოს ყველა რეგიონში, ძირითადად მაღალმთიან დასახლებებშია ხელმისაწვდომი. შერჩეული 110 სოფლიდან 60 ამბულატორია ევროკავშირის მხარდაჭერით, ჯანმრთელობის მსოფლიო ორგანიზაციის და მისი პარტნიორების მიერ აღიჭურვა.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
