ავსტრალიელმა მეცნიერებმა ექსტრაკორპორალური განაყოფიერების გზით კენგურუს პირველი ემბრიონი შექმნეს, – წერს BBC-ი.
მეცნიერებმა ნაცრისფერი კენგურუს ოცზე მეტი ემბრიონი შექმნეს. მათი აზრით, ეს მისცემს მათ საშუალებას, რომ გადაარჩინონ სხვა ცხოველთა სახეობები, რომლებიც გადაშენების პირას იმყოფებიან. მაგალითად, კოალა, ტასმანიური ეშმაკი, ვომბატისებრნი და სხვა.
ავსტრალიაში ძუძუმწოვარი ჩანთოსნების ყველაზე დიდი ნაირსახეობა არსებობს, თუმცა მათი გარკვეული ნაწილი გადაშენების პირასაა.
მეცნიერების აზრით, ეს მეთოდი გადამწყვეტ როლს ითამაშებს „ამ უნიკალური ცხოველების გენეტიკური მასალის“ შენახვის საქმეში.
2024 წელს მეცნიერებმა მარტორქის ემბრიონის ხელოვნურად შექმნა შეძლეს.
