ონკოლოგიურ დაავადებათა ტვირთი მსოფლიოში
მსოფლიოში სიკვდილობის ერთ-ერთი წამყვანი მიზეზით, ონკოლოგიური დაავადებებით გამოწვეული სიკვდილიანობა 19901 წლიდან თითქმის 40%-ით გაიზარდა და ეს ტენდენცია კვლავ გრძელდება. ჯანმო-ს ექსპერტთა პროგნოზით, კიბოთი გამოწვეული სიკვდილობის არსებული დონე, რომელიც დაახლოებით 8.2 მილიონს შეადგენს წელიწადში, გაიზრდება და 13 მილიონზე მეტი გახდება 20302, 3 წლისთვის. კიბოს ახალი შემთხვევების ზრდის უმეტეს ნაწილს დაბალ და საშუალო შემოსავლიან ქვეყნებში ექნება ადგილი, სადაც ონკოლოგიურ დაავადებათა ადრეული გამოვლენა და მკურნალობა კვლავაც პრობლემად რჩება.
აშკარაა, რომ კიბოს კონტროლის არსებული სტრატეგიები ეფექტური არ არის. „შეაჩერე კიბო ახლა!“ – არის მოწოდება ახალი სტრატეგიებისკენ, რათა მოხდეს კიბოს გამომწვევი
ზოგიერთი მიზეზის დაძლევა, უზრუნველყოფილი იყოს ყველა ონკოლოგიური პაციენტის
წვდომა მტკიცებულებებზე დაფუძნებულ სამედიცინო მომსახურებაზე და შემუშავდეს
მკურნალობის თანამედროვე სქემები, ონკოლოგიურ პაციენტთა წარმატებული
მკურნალობის მიზნით. ონკოლოგიის ევროპული სკოლის 30-ე წლისთავის აღსანიშნავად
მოწვეულმა ონკოლოგიის მსოფლიო ფორუმის მონაწილეებმა შეაფასეს წარსულში
განხორციელებული კიბოს კონტროლის ღონისძიებების პროგრესი და გამოიტანეს
ზოგიერთი სტრატეგიული დასკვნა.
ბოლო რამდენიმე ათწლეულში, კიბოს პრევენციის, ადრეული გამოვლენისა და
მკურნალობის დარგში ერთობლივად მიღწეულმა წარმატებებმა გამოიწვია საერთო
სიკვდილიანობის შემცირება ზოგიერთი მაღალი შემოსავლის მქონე ქვეყანაში, კიბოს
ცალკეული ლოკალიზაციის ინციდენტობის შემცირებით ან გადარჩენის მაჩვენებელთა
გაზრდით, მათ შორისაა ფილტვის, საშვილოსნოს ყელის, ძუძუს და კუჭის კიბო, ასევე
ლეიკემია.4
ამ ქვეყნებშიც კი, ბევრი სხვა ლოკალიზაციის ონკოლოგიური დაავადებების
შემთხვევაში არსებული პროგრესი უმნიშვნელოა ან არარსებული. როგორც რიჩარდ პეტომ, ოქსფორდის უნივერსიტეტის სამედიცინო სტატისტიკისა და ეპიდემიოლოგიის
პროფესორმა, აუხსნა ონკოლოგიის მსოფლიო ფორუმის მონაწილეებს, სტატისტიკურმა
მონაცემებმა, რომლებიც საერთო სიკვლილიანობის მაჩვენებლების შემცირებას აჩვენებს,
შეიძლება ცრუ ოპტიმისტური სურათი წარმოადგინოს.
ონკოლოგია_820af5fc-3712-44bf-a0b2-089d8a9a8ba7
