2024 წლის 5 და 6 ოქტომბერს ჩატარდა საქართველოს კარდიოლოგთა საზოგადოების რიგით მე-8 კონგრესი. იგი მიეძღვნება მსოფლიო გულის დღეს.
კონგრესის ფარგლებში განხილულ იქნა კარდიოვასკულური დაავადებების მართვის თანამედროვე მიდგომები, ასევე განხილულ იქნა 2024 წელს გამოცემული 4 ახალი გაიდლაინი.
კონგრესის პირველ დღეს ჩატარდა “მწვავე კორონარული სინდრომის მართვის გამოწვევების|” სესია, რომელსაც ხელმძღვანელობდა ჩვენი კლინიკის კლინიკური და ინტერვენციული კარდიოლოგიის და თერაპიის დეპარტამენტის ხელმძღვანელი, მედიცინის დოქტორი კახა ნადარაია.
სესიაზე კახა ნადარაიამ წარმოადგინა „მწვავე კორონარული სინდრომის ანტითრომბული თერაპიის ძირითადი და ალტერნატიული სტრატეგიების“ მიმოხილვა. სესიის ბოლოს გაიმართა ხანგრძლივი და საინტერესო დისკუსია.
კონგრესის მეორე დღეს 6 ოქტომბერს „დისლიპიდემიის“ სესიაზე ჩვენი კლინიკიდან კახა ნადარაიას მიერ წარმოდგენილ იქნა მეორე მოხსენება: „როდის დავიწყოთ კომბინირებული ლიპიდ-დამაქვეითებული თერაპია მწვავე და ქრონიკული კორონარული სინდრომის მიმდინარეობისას“, სესიამ გამოიწვია დიდი ინტერესი და მასში უცხოეთიდან ჩართულები იყვნენ წამყვანი კარდიოლოგები.
კონგრესს ესწრებოდნენ როგორც ქვეყნის წამყვანი კარდიოლოგები, კარდიოქირურგები და არითმოლოგები, ასევე ახალგაზრდა ექიმები და რეზიდენტები. მასში აქტიურ მონაწილეობას იღებდნენ ჩვენი კლინიკის კარდიოლოგები.
კონგრესის ფარგლებში ჩატარდა ასევე ვორქშოფები და ტრენინგები.
