17 სექტემბერს პაციენტთა უსაფრთხოების მსოფლიო დღე აღინიშნება. პაციენტის უსაფრთხოება მრავალშრიანი და კომპლექსური საკითხია.
მიმდინარე წელს, გლობალური კამპანიები და ღონისძიებები დიაგნოსტიკის გაუმჯობესებაზე იქნება კონცენტრირებული, რადგან პაციენტის უსაფრთხოება მრავალშრიანი და კომპლექსური საკითხია.
მსოფლიო ჯანდაცვის ორგანიზაცია (WHO) მნიშვნელოვან როლს ასრულებს პაციენტთა უსაფრთხოების გლობალური სტანდარტების დამკვიდრებასა და ხელშეწყობაში, რათა ყველა ქვეყანაში უზრუნველყოფილი იყოს ხარისხიანი და უსაფრთხო ჯანდაცვა.
საქართველოს ჯანდაცვის სამინისტრომ კი, უნდა გააძლიეროს და განავითაროს პაციენტის უსაფრთხოების პოლიტიკა ქვეყნის მასშტაბით.
განსაკუთრებული მნიშვნელობა ენიჭება ადგილობრივ სამოქალაქო საზოგადოებებსა და საზოგადოებრივ ორგანიზაციებს, ასევე პაციენტებისა და მათი ოჯახების წევრების ორგანიზაციებს, რომლებიც აქტიურად ახორციელებენ ადვოკატირებას პაციენტების უფლებებისა და უსაფრთხოების დაცვის მიმართულებით.
მათი ჩართულობა უზრუნველყოფს პაციენტის ინტერესების დაცვას და ჯანდაცვის სისტემის გაუმჯობესებას. პაციენტის უსაფრთხოების საფუძველია სწორი დიაგნოზი და მკურნალობა. დაგვიანებული, არაზუსტი ან გამორჩენილი დიაგნოზი დაავადების გახანგრძლივებას, დამძიმებას და შესაძლოა, სიკვდილსაც იწვევდეს. პაციენტის არასწორი მოვლა მსოფლიოში შეზღუდული შესაძლებლობებისა და სიკვდილის წამყვანი 10 მიზეზიდან ერთ-ერთია.
პაციენტების მოვლის შედეგად მიყენებული ზიანის სამკურნალო ხარჯები ჯანმრთელობის საერთო ხარჯების 13%-ს შეადგენს. პოლიტიკის შემქმნელებმა და ჯანდაცვის ლიდერებმა, მათ შორის საქართველოს ჯანდაცვის სამინისტრომ, უნდა შექმნან პოზიტიური სამუშაო გარემო და უზრუნველყონ ხარისხიანი დიაგნოსტიკური საშუალებების ხელმისაწვდომობა.
სამოქალაქო საზოგადოებებმა, ადგილობრივმა ორგანიზაციებმა და პაციენტებისა და მათი ოჯახების წევრების ორგანიზაციებმა მნიშვნელოვანი როლი უნდა ითამაშონ, ხელი შეუწყონ ჯანდაცვის მუშაკების უნარების გაუმჯობესებას და პაციენტის უსაფრთხოების სტანდარტების დაცვის განმტკიცებას.
