FDA-მ დაამტკიცა ინოვაციური Traumagel გელი სისხლდენის შეჩერებისთვის
აშშ-ს სურსათისა და წამლების ადმინისტრაციამ (FDA) ინოვაციური გელი დაამტკიცა, რომელსაც სიცოცხლისთვის საშიში დაზიანებებისგან გაჩენილი სისხლდენის შეჩერება შეუძლია.
როგორც Reuters იუწყება, გამოგონება მნიშვნელოვანია და მას ჭრილობების დამუშავების პროცესის გამარტივება შეუძლია.
Traumagel, რომელიც ბრუკლინში ბაზირებულმა სამედიცინო ტექნოლოგიების კომპანია Cresilon-მა შეიმუშავა, განკუთვნილია მძიმე ჭრილობებისგან გამოწვეული სისხლდენის სწრაფი შეჩერებისათვის. ეს წყალმცენარეებიდან მიღებული პროდუქტი შპრიცშია მოთავსებული და მისი გამოყენება ძალიან მარტივია.
Cresilon-ის აღმასრულებელი დირექტორი, ჯო ლანდოლინა, აღნიშნავს: „ჩვენი გელის გამოყენება შესაძლებელი იქნება ყველა მძიმე ჭრილობისგან გამოწვეული სისხლდენის შესაჩერებლად“.
მისი თქმით, მიმდინარე მეთოდების მოქმედება ხშირად დროის დაკარგვას მოიცავს, რაც ხშირად ადამიანის სიცოცხლის ფასად ჯდება.
Traumagel-ის კომერციულად ხელმისაწვდომი იქნება 2024 წლის ბოლოსთვის. როგორც ლანდოლინამ Reuters-ს განუცხადა, „ბრძოლის ველზე სიკვდილიანობის 91% სწორედ შეუჩერებელ სისხლდენაზე მოდის. სისხლდენის შესაჩერებელი უკეთესი მეთოდის არსებობის შემთხვევაში, უამრავი ადამიანის გადარჩენას შევძლებდით. ჩვენი გელით სწორედ ამის გაკეთება გვინდა“.
Traumagel-ის ეფექტი დროებითია, მაგრამ მისი გამოყენება მნიშვნელოვანი დროის მოგებას და სასიცოცხლო რისკების შემცირებას უზრუნველყოფს. ეს ინოვაციური პროდუქტი რევოლუციურ ცვლილებებს შეიტანს სასწრაფო დახმარებისა და საგანგებო სიტუაციების მართვის სფეროში.
პრესრელიზში აღნიშნულია, რომ გელის ეფექტი დროებითია, მაგრამ ამით მნიშვნელოვანი დროის მოგებაა შესაძლებელი.
