ნასიცხი – დაავადება, რომელსაც ახასიათებს კანზე გაღიზიანებული ადგილების გაჩენა, რაც გამოწვეულია ჩვილ ბავშვებში ჭარბი ოფლიანობით. დაავადება აღენიშნებათ 1 წლამდე ასაკის ბავშვებს და 30 წლამდე ასაკის ზრდასრულებს. ნასიცხი გამოწვეულია ჭარბი ოფლიანობის შედეგად, რაც კანზე გაღიზიანებას იწვევს.
ნასიცხი არის დაავადება, რომელსაც ახასიათებს კანზე გაღიზიანებული ადგილების გაჩენა, რაც გამოწვეულია ჭარბი ოფლიანობით. ეს მდგომარეობა განსაკუთრებით გავრცელებულია ჩვილ ბავშვებში, თუმცა შეიძლება შეიმჩნეოდეს 30 წლამდე ასაკის ადამიანებშიც. დროული მკურნალობა და სწორი ტენდენციების დაცვა ხელს უწყობს სიმპტომების შემცირებასა და კანის ჯანმრთელობის შენარჩუნებას.
ნასიცხის ლოკალიზაციის ადგილები ყველაზე ხშირად არის:
· კანის ნაკეცები;
· მუხლებისა და იდაყვების მოსახარი;
· სინთეტიკური ქსოვილის შეხების ადგილები.
მიზეზები
დაავადების განვითარების მიზეზებია:
· ტანსაცმლის მიერ კანის მექანიკური გაღიზიანება;
· ქიმიურ ნივთიერებაზე რეაქცია;
· კანის ბაქტერიებით დაინფიცირება;
· კანის გადახურება;
· მაღალი ტემპერატურა და ჭარბი ოფლიანობა.
სიმპტომები
დაავდებას ახასიათებს:
· კანის ლოკალური გაწითლება;
· გაწითლებულ ადგილებში წარმოიშობა სხვადასხვა ტიპის გამონაყარი;
· გაღიზიანებულ ადგილებში წარმოიშობა წყლულები, რომლებიც სკდება თავისით და გამოიყოფა სითხე.
დიაგნოსტიკა
დაავადების დიაგნოსტიკას ატარებს დერმატოლოგი, რისთვისაც საკმარისია პაციენტის საერთო დათვალიერება.
მკურნალობა
აუცილებელი მკურნალობა მოიცავს:
· კანის გაღიზიანების საწინააღმდეგო მალამოებს;
· ანტიბაქტერიული მალამოების გამოყენებას;
· ანტისეპტიკური პრეპარატების გამოყენებას.
საშიშროება
დროული მკურნალობის გარეშე კანზე შესაძლოა განვითარდეს წყლულები და ჩირქოვანი კერები.
რისკის ჯგუფი
· 1 წლამდე ასაკის ბავშვები;
· ჭარბწონიანი ადამიანები;
· ენდოკრინული სისტემის დარღვევების მქონე ადამიანები.
პროფილაქტიკა
რეკომენდირებულია:
· ნატურალური ქსოვილის სამოსის ტარება;
· ჭარბი ოფლიანობისას ტალკის გამოყენება;
· კანის გადახურებისგან თავის დაცვა;
· ღია ცის ქვეშ მზეზე დიდი ხნით ყოფნისგან თავის შეკავება;
· სამუშაო და საცხოვრებელ ადგილას კომფორტული, გრილი ტემპერატურის რეგულირება;
· ჰიგიენის დაცვა.
