ვენური დაავადებები: რა ნიშნებით ვლინდება ვენური დაავადებები, რა იწვევს მათ განვითარებას და ვინ არიან რისკ ჯგუფებში
ვენური დაავადებები სისხლძარღვების სისტემის პრობლემებს ეხება, რომელთა მთავარი ნიშანი და სიმპტომი არის ვენების ფუნქციის დარღვევა. მათ შორის ყველაზე გავრცელებული ფორმებია ვენური ხლართები და ვენური უკმარისობა.
საუბრობს ანგიოლოგი, ანგიოქირურგი გიგი ბრეგაძე გადაცემაში „იმუნიტეტი“:
„ორგანოს ცხოველქმედებისთვის საკვები და ჟანგბადი სჭირდება. “ვიღაცას” უნდა მოჰქონდეს და პირიქით, მიჰქონდეს. გული ე.წ. პომპა, ძრავაა, რომელიც სისხლძარღვების საშუალებით ორგანოებს სისხლს აწვდის. იქ მისული სისხლი ვენური სისტემით ბრუნდება. ეს ცირკულაციაა. ვენური სისტემის ამოცანაა, სისხლი გულში დააბრუნოს. მაშინაც კი, როცა ჩვენ ვდგავართ. როდესაც პერიფერიული პომპა არ გვაქვს, ქვევიდან არანაირი წნევა არ იქმნება, რომ სისხლი გულისაკენ გადაჭირხნოს. ამ დროს ძალიან ფაქიზი მექანიზმია ჩართული, რომ გრავიტაცია გადალახოს. ზუსტად ამ მექანიზმების მოშლამ შეიძლება, კიდურებში ვენური სისხლის შეგუბება გამოიწვიოს.
“კაცობრიობის ხარკი ორ ფეხზე სიარულისთვის” – ასე ეძახდნენ ვენურ დაავადებებს. პრობლემა არის ის, რომ ვენური სისხლი ორგანოდან არ გამოდის. ყველაზე პრობლემური ადგილები კი ქვედა კიდურებია. ადინამია, ცხოვრების უმოძრაო წესი, წონა – რისკ ფაქტორებად ითვლება. ვისაც 5 საათზე მეტი დროის განმავლობაში ჯდომა უწევს, მას აქვს რისკ ფაქტორი, რომ ვენური დაავადება განუვითარდეს.
ჩივილები მრავალფეროვანია. მთავარი, რაზეც პაციენტები საუბრობენ, ეს არის ქვედა კიდურებში სიმძიმის, შეშუპების, გადაჭიმვის შეგრძნება. პაციენტები აღნიშნავენ, რომ გრძნობენ, თითქოს, გირები ჰკიდიათ. ვენური დაავადებები ხშირად გამოხატულია ქვედა კიდურებში სიმძიმის, შეშუპების და გაფართოებული ვენების სიმპტომებით. ძირითადად, ეს პრობლემები დაკავშირებულია ზედაპირული ვენური სისტემის ხარვეზებთან, მაგრამ მათი მართვა აუცილებელია დროული და სწორი მკურნალობით. ყურადღება მიაქციეთ სიმპტომებს და მიიღეთ შესაბამისი ზომები, რათა თავიდან აიცილოთ ვენური დაავადებების სერიოზული გართულებები. ანატომიაში ღრმა ვენური სისტემა და ზედაპირული ვენური სისტემა არსებობს. ძირითადი ღრმა ვენური სისტემა გახლავთ, სადაც დარღვევები იშვიათად ხდება. თუმცა, მათი დაზიანება გაცილებით უფრო რთულად სამკურნალოა. ზედაპირულ ვენურ სისტემაში კი პატარა ხარვეზიც კი შეიძლება, მთელი სისტემის პრობლემა გახდეს.
ვენური დაავადებები ხშირად გამოხატულია ქვედა კიდურებში სიმძიმის, შეშუპების და გაფართოებული ვენების სიმპტომებით. ძირითადად, ეს პრობლემები დაკავშირებულია ზედაპირული ვენური სისტემის ხარვეზებთან, მაგრამ მათი მართვა აუცილებელია დროული და სწორი მკურნალობით. ყურადღება მიაქციეთ სიმპტომებს და მიიღეთ შესაბამისი ზომები, რათა თავიდან აიცილოთ ვენური დაავადებების სერიოზული გართულებები.“
მასალის გამოყენების პირობები
