ნიტრატების გადაჭარბებული შემცველობა ბოსტნეულსა და ნესვში – სურსათის ეროვნული სააგენტოს ახალი შემოწმების შედეგები
ბოსტნეულის 11 და ნესვის 2 ნიმუშში გამოვლინდა ნიტრატების გადაჭარბებული შემცველობა
სურსათის ეროვნული სააგენტოს მიერ ჩატარებული ახალი კვლევის შედეგად, ბოსტნეულსა და ნესვში ნიტრატების გადაჭარბებული შემცველობა გამოვლინდა. სააგენტოს ინსპექტორებმა 150-ზე მეტი ნიმუში აიღეს საცალო და საბითუმო სარეალიზაციო ობიექტებიდან და გაგზავნეს აკრედიტებულ ლაბორატორიაში შესამოწმებლად.
კვლევის მიხედვით, პესტიციდების ნარჩენები, აგრეთვე ტყვიის, კადმიუმის, სპილენძის, თუთიისა და რადიონუკლიდების გადაჭარბებული შემცველობა არ გამოვლენილა. თუმცა, ნიტრატების შემცველობა დასაშვებ ნორმას 13 შემთხვევაში აღემატება, რაც კარტოფილის, კომბოსტოს, ჭარხლის, ყვავილოვანი კომბოსტოსა და ნესვის ნიმუშებში გამოიკვეთა.
სურსათის ეროვნული სააგენტო ბიზნესოპერატორებს დაევალათ მავნე სურსათის რეალიზაციის შეწყვეტა და ბაზარზე განთავსებული პროდუქტის გამოტანა. სააგენტო ასევე მოითხოვს მიღებული ზომების შესახებ ინფორმაციის გადაცემას.
ასევე, სურსათის ეროვნული სააგენტო მომავალში აგრძელებს მცენარეული წარმოშობის სურსათის პესტიციდების შემცველობისა და ქიმიური მაჩვენებლების შემოწმებას. წლის განმავლობაში დაგეგმილია 300 ნიმუშის აღება და აკრედიტებულ ლაბორატორიაში გამოკვლევა.
ინფორმაციას სურსათის ეროვნული სააგენტო ავრცელებს
