ჰიპერტენზიის სკრინინგის მსოფლიო კამპანიას საქართველო წელს უკვე მერვედ შეუერთდა. დედაქალაქის შემდეგ კამპანია რეგიონებში გრძელდება.
დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებით წნევის გაზომვის აქცია ამჯერად, ფოთში გაიმართა. ნებისმიერ მსურველს საშუალება ჰქონდა, უფასო კონსულტაცია მიეღო.
„ფოთში ჰიპერტენზიის სკრინინგის კამპანიას ვახორციელებთ. არტერიული ჰიპერტენზია გახლავთ ნომერ პირველი „ჩუმი მკვლელი“ მსოფლიოში”, – განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის წარმომადგენელმა დალი ტრაპაიძემ.
