რომელი ორგანოების კვლევისთვის გამოიყენება კომპიუტერული ტომოგრაფია?
კომპიუტერული ტომოგრაფიით მთელი სხეულის კვლევა ონკოლოგიურ დაავადებათა გამოსავლენად, ანუ *მთელი სხეულის სკრინინგი კიბოზე*, ძალზედ ფართოდ გამოიყენება მსოფლიოში კტ უამრავი დაავადებისა და პათოლოგიური მდგომარეობის გამოსავლენად და სამეთვალყურეოდ გამოიყენება.
მიმართავენ ქრონიკული დაავადებების დიაგნოსტირებისა და მონიტორინგისთვის, კერძოდ: სიმსივნური პათოლოგიის, სისტემური დაავადებების, თავის ტვინის, ფილტვების, ღვიძლისა და სანაღვლე გზების, ელენთის, საშარდე სისტემის, თირკმელზედა ჯირკვლებისა და საჭმლის მომნელებელი ტრაქტის მილოვანი სეგმენტის, ძვლოვანი სისტემის დაზიანებების გამოვლენისა და მეთვალყურეობის მიზნით.
– თუ პაციენტს დახურული სივრცის (კლაუსტროფობია) შიში აქვს, რა ალტერნატივას სთავაზობთ?
კლაუსტროფობიის შემთხვევაში პაციენტს წინასწარ ვათვალიერებინებთ აპარატს, მისი მოძრაობის ამპლიტუდას, სიღრმესა და სიხშირეს. ვუხსნით, რომ კვლევის პროცესი მიმდინარეობს საშუალოდ 5–დან 10 წუთამდე (რასაკვირველია, გააჩნია კვლევის სირთულეს), მუდმივად ვართ პაციენტთან კონტაქტში მიკროფონის საშუალებით და საჭიროების შემთხვევაში, ნებისმიერ დროს შევძლებთ პროცედურის შეწყვეტას. თუ ყველა ეს მცდელობა უშედეგო აღმოჩნდა, ანესთეზიოლოგთან კონსულტაციის შემდეგ კვლევას ვატარებთ ინტრავენური ანესთეზიით.
კვლევაზე ჩასაწერად მოგვწერეთ ან დაგვიკავშირდით ნომერზე
0322234023
MMT HOSPITAL ჩაჩავას ქ. №1
