ჯანდაცვის საერთაშორისო ექსპერტი, პროფესორი გიორგი ფხაკაძე ჯანდაცვის მსოფლიო ორგანიზაციის (WHO) ეგიდით, ოფიციალური ვიზიტით აფრიკაში, კერძოდ, სენეგალში იმყოფება. პროფესორ ფხაკაძეს სენეგალის დედაქალაქ დაკარში დავუკავშირდით და გთავაზობთ ექსკლუზიურ ინტერვიუს:
“ამჟამად ვიმყოფები სენეგალის დედაქალაქ დაკარში. ძალიან მიხარია, რომ მსოფლიო ჯანმრთელობის ორგანიზაციის ეგიდით მაქვს საშუალება, მონაწილეობა მივიღო და გავუზიარო ინფორმაცია სენეგალის ჯანდაცვისა და სოციალური საკითხების სამინისტროებს იმ საკითხების შესახებ, რომელიც ეხება ექიმების გადამზადებას, მათი კვალიფიკაციისა და ხარისხის ამაღლებას, კერძოდ ჯანმრთელობის და მიგრაციის საკითხებზე.
ძალიან სასიხარულოა ის ფაქტი, რომ დღეს გაფორმდა ოფიციალური თანამშრომლობის ხელშეკრულება პირველ ქართულ საზოგადოებრივი ჯანდაცვის მედიაჰოლდინგ “შენი”-სა და სენეგალის ტელკოპანია Sante TV -ს შორის, რომელიც პირველი და ერთადერთი საზოგადოებრივი ჯანდაცვის ტელევიზიაა სენეგალში.
ურთიერთ თანამშრომლობის საფუძველზე მხარეებს შორის იგეგმება ამ ორ რეგიონში არსებული ინფორმაციის გაცვლა ჯანდაცვის სიახლეების შესახებ, განსაკუთრებით ეპიდემიოლოგიურ, პანდემურ თუ საზოგადოებრივი ჯანდაცვის კუთხით..
ჩვენი მედიაჰოლდინგი “შენი” რეგულარულად მიაწვდის სენეგალის ჯანდაცვის ტელევიზიას აღმოსავლეთ ევროპაში, კავკასიის რეგიონში – საქართველოში არსებულ ვითარებას ჯანდაცვის საკითხებში და ასევე, Sante TV მიაწვდის ჩვენს მედიაჰოლდინგს დასავლეთ აფრიკის რეგიონიდან ჯანდაცვის სიახლეებს.
ასეთი უპრეცენდენტო მოვლენა პირველად ხდება, როცა დასავლეთ აფრიკის ფრანგულენოვანი ქვეყანა თანამშრომლობას იწყებს კავკასიის რეგიონში კერძოდ, საქართველოსთან.
ჩვენ იმედი გვაქვს, რომ მსაგვსი თანამშრომლობა როგორც საქართველოს, ასევე სენეგალის მოსახლეობას დაეხმარება – მიიღონ სწორი ინფორმაცია პირველ წყაროდან, თუ რახდება მსოფლიოს ამა თუ იმ რეგიონში საზოგადიებრივი ჯანდაცვის საკითხებზე.
მასალის გამოყენების პირობები
