რა იწვევს ყველაზე ხშირად ბავშვებში მუცლის ტკივილს – რა ჩივილები შეიძლება ახლდეს ამ პრობლემას?

რა იწვევს ყველაზე ხშირად ბავშვებში მუცლის ტკივილს?

რა ჩივილები შეიძლება ახლდეს ამ პრობლემას?

საუბრობს ბავშვთა გასტროენტეროლოგი, პროფესორი ციცი ფარულავა გადაცემაში „პირადი ექიმი“:

„მუცლის ტკივილი არის მთავარი ჩივილი, რომლის გამოც პაციენტი გასტროენტეროლოგთან და პედიატრთან მიდის. არსებობს ცალკე ცნება – მორეციდივე მუცლის ტკივილი. თუ მინიმუმ 2 თვის განმავლობაში პაციენტს პერიოდული, გახანგრძლივებული მუცლის ტკივილის ეპიზოდები აქვს, რომელსაც შეიძლება თან სხვა სიმპტომებიც ახლდეს.

გულისრევის შეგრძნება, ბოყინი, შებერილობის შეგრძნება, უმადობა, ხასიათის, გუნება-განწყობის ცვლილება. ეს ორგანული პათოლოგიაა თუ ფუნქციური დაავადება? ორგანული დაავადება ნიშნავს, კუჭ-ნაწლავის ტრაქტის რომელიღაც ორგანოში ან ანთებითი, სტრუქტურული, მეტაბოლური ან ონკოლოგიური პრობლემები მიდის. უმეტეს შემთხვევაში მუცლის ტკივილი ორგანული დაავადება არ არის.

ფუნქციურ დარღვევისას კუჭ-ნაწლავის ტრაქტის მხრივ ჩივილების გარკვეული კომბინაცია გვაქვს, რომლის მიზეზის დადგენა ობიექტური მარკერებით ვერ ხერხდება. უფრო მარტივად რომ ვთქვათ – სამედიცინო კვლევების შემდეგ არსად არანაირი ცვლილება არ მოიძებნა. მაგრამ, პრობლემა არსებობს და ბავშვი და მშობელი წუხს.“

გიორგი ფხაკაძე

მედიცინის მეცნიერებათა დოქტორი (PhD), მედიცინის დოქტორი (MD), ჯანდაცვის მაგისტრი (MPH). საქართველოს საზოგადოებრივი ჯანდაცვის ინსტიტუტის (PHIG) თავმჯდომარე. არის ჯანდაცვის მსოფლიო ორგანიზაციის (WHO) ექსპერტი და Accreditation Canada-ს წარმომადგენელი საქართველოში. ეწევა აკადემიურ საქმიანობას დავით ტვილდიანის სამედიცინო უნივერსიტეტში. არის Georgian Medical Journal (GMJ)-ის დამფუძნებელი და მთავარი რედაქტორი. გამოქვეყნებული აქვს მრავალი სამეცნიერო ნაშრომი საერთაშორისო რეცენზირებად ჟურნალებში, არის სახელმძღვანელოებისა და პროფესიული გზამკვლევების ავტორი. გიორგი ფხაკაძე აქტიურად მონაწილეობს ასობით ეროვნულ და საერთაშორისო სამეცნიერო-პროფესიულ კონფერენციასა და სამუშაო ჯგუფში, 25 წელზე მეტი გამოცდილებით საზოგადოებრივი ჯანდაცვის, ხარისხის სტანდარტებისა და ჯანდაცვის პოლიტიკის სფეროში. #აქხარისხია #drpkhakadze #sheniambebi

See Full Bio