საუბრობს უროლოგი, ანდროლოგი ალექსანდრე ხელაია გადაცემაში „იმედის დღე“:
„პირველ ადგილზე თანამედროვე მამაკაცის ცხოვრების წესია.
მამაკაცებმა ყოველ დღე ერთი ღერით უნდა შეამცირონ სიგარეტი, გარკვეული პერიოდის შემდეგ, მის მოხმარებას შეწყვეტენ. ცხოვრების წესი და ჩვენი საკვები უპირველესია. ჭარბი წონა, დიაბეტი, ალკოჰოლი, თამბაქო მამაკაცის უშვილობის პრობლემას განაპირობებს. კომპლექსური პრობლემაა. ერთი კონკრეტული მიზეზი არ არსებობს.
პრობლემა გამოსაკვლევად, სპერმის ანალიზის ჩაბარება და ექიმთან ვიზიტი მნიშვნელოვანია.
მედიცინა უშვილობის პირველად და მეორეულ ფორმას გამოყოფს. მეორეული ფორმის დროს, შესაძლოა, ოჯახში, პირობითად, 2 ბავშვი უკვე იყოს, მესამის გაჩენა სურთ, მაგრამ ვეღარ ახერხებენ. ეს საკმაოდ დიდი პრობლემაა. პირველადი უშვილობის ფორმას სტატისტიკურად არანაირად არ ჩამოუვარდება.
გადატანილ ინფექციებსაც საკმაოდ დიდი როლი აქვს. მამაკაცები სანამ დაოჯახდებიან, ექიმთან უნდა მივიდეს და სქესობრივი გზით გადამდებ ინფექციებზე შემოწმდეს.
საქართველოში მამაკაცების უნაყოფობის პრობლემა მზარდია. მთელ მსოფლიოში მეტაბოლური სინდრომის ეპიდემიაა. კვებას განსაკუთრებული მნიშვნელობა აქვს.“
