საზოგადოებრივი ჯანდაცვის საერთაშორისო ექსპერტი, პროფესორი გიორგი ფხაკაძე ჯანდაცვის მსოფლიო ორგანიზაციის 77 -ე ასამბლეას ესწრება, რომელიც ყოველწლიურად ქალაქ ჟენევაში გაერო-ს მთავრ შტაბ ბინაში ტარდება.
Sheniekimi.ge გიორგი ფხაკაძეს ჟენევაში დაუკავშირდა:
“ახლა ვიმყოფები გაეროს სათავო ოფისში ასამბლიაზე. აქ მთელი მსოფლიოდან იკრიბებიან ჯანდაცვის მინისტრები, ექსპერტები და ჯანდაცვის სხვადასხვა ორგანიზაციის წარმომადგენლები, რომლებიც მუშაობენ სამედიცინო საკითხებზე.
ეს არის მთავარი ადგილი ერთი კვირის მანძილზე, როცა ჟენევა ხდება მსოფლიო ჯანდაცვის ცენტრი.
ასამბლიაზე განიხილება გლობალური საკითხები, ხდება ახალი მიღწევების და გამოწვევების გაზიარება. ძველი შეცდომების გააზრება და გზების პოვნა მათ გამოსასწორებლად.
ეს არის უნიკალური პლატფორმა შეხვედრებისთვის, რომელიც იძლევა საშუალებას – ვისწავლოთ, გავიზიაროთ და დავნერგოთ საუკეთესო პრაქტიკა ჯანდაცვის სფეროში.
მე, როგორც მოგეხსენებათ, ვმუშაობ ჯანდაცვის მსოფლიო ორგანიზაციის მიგრაციისაა და ჯანმრთელობის დეპარტამენტში და ჩამოვაყალიბე, შევიმუშავე სტრატეგია – თუ როგორ უნდა იყოს დანერგილი ჯანდაცვის სპეციალისტების კომპეტენციები, რომლებიც მუშაობენ მიგრანტებთან და ლტოლვილებთან.
დაამტკიცა ჯანდაცვის მსოფლიო ორგანიზაციამ და ამჟამად ამ სტრატეგიას ვნერგავ, როგორც ექსპერტი, მსოფლიოს მასშტაბით.
ეს სტრატეგია უკვე დავნერგეთ ნიგერიაში, ახლა კი სენაგლსა და მალიშიც გავემგზავრები… შემდეგ კი აღნიშნული პროექტის დასანერგად აღმოსავლეთ ევროპას და ლათინოამერიკასაც ვეწვევი…” – განაცხადა გიორგი ფხაკაძემ.
მასალის გამოყენების პირობები
