საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე ამბობს, რომ ჯანდაცვის სამინისტრო არ ცნობს სიტყვას – “ანგარიშვალდებულება” .
„სამწუხაროა, რომ ჯანდაცვის სამინისტრო არ ცნობს სიტყვას – “ანგარიშვალდებულება”.
ქვეყანაში არ არის ბევრი დარგის ექსპერტი.
მე, ერთმა ადამიანმა სრულად უანგაროდ, ანუ 0 თეთრით გავაკეთე 1000-ჯერ უფრო მეტი, ვიდრე ასობით მილიონებით დაფინანსებული (სად მიდის ეს ფული, არავინ იცის) ვაქცინების ცნობიერების კომპანიის ასამაღლებლად ბოლო 3-4 წელია….
ფაქტია, რომ ეს სამინისტრო არ არის ეფექტური.
ჯანდაცვის სამინისტრო უნდა იყოს ცალკე სამინისტრი, ისევ როგირც თავის დროზე განათლების სამინისტრო იქნა ცალკე გამოყოფილი.
არ შეიძლება რეფორმების განხორციელება ისე, რომ არავის (ვინც დარგის ექსპერტია) არაფერი კითხო…
საუბარი, კრიტიკული აზრის მოსმენა და უბრალოდ კომენტარიც კი, სამწუხაროდ, მიუღებელია ამ სამინისტროსთვის…..
წინა მინისტრი “კოვიდ” 1 მილიარდს ეძებდა… ისე გაუშვეს, რომ კიდევ ვერ ნახეს ეს ფული….
ჯანდაცვის სამინისტრო უნდა იყოს მართული არაპოლიტიკური ჯანდაცვის ექსპერტის მიერ!
P.S: მე ეს თანამდებობა არ მაინტერესებს“ – აცხადებს გიორგი ფხაკაძე.
საქართველოს ჯანდაცვის სამინისტროს დაქვემდებარებაში არსებული სსიპ-ი NCDC-ი საჯარო ინფორმაციას არასრულად გასცემს.
2023 წლიდან პაპილომა ვირუსის საწინააღმდეგო აცრა 26 წლამდე გოგონებისთვის და 12 წლამდე ბიჭებისთვის უფასო გახდა.
2023 წელს, მთავრობამ ₾208,500 ლარი გადაიხადა 15,000 დოზა ვაქცინის შესაძენად.
ორი წერილის მიუხედავად, დაავადებათა კონტროლის ეროვნულმა ცენტრმა ვადაგასული ვაქცინების შესახებ ინფორმაცია არ მოგვაწოდა.
ასევე, არასრულად მოგვაწოდეს ინფორმაცია ცნობიერების ასამაღლებელი კამპანიების შესახებ – უცნობია, ამაში ბიუჯეტიდან რა თანხა დაიხარჯა.
ეს პირველი შემთხვევა არ არის, როდესაც დაავადებათა კონტროლის ეროვნულ ცენტრს ვაქცინები უფუჭდება – 2022 წლის მარტში კოვიდ-19-ის საწინააღმდეგო 400 ათასამდე დოზას გაუვიდა ვადა.
