ჰერპეს ვირუსის გამწვავება და მისი კავშირი ჩუტყვავილასთან…
უვნებელი მიკრობი თუ შენელებული მოქმედების ბომბი?
საუბრობს დერმატო-ვენეროლოგი მერი ტიტვინიძე ქეთი ასათიანის რუბრიკაში „დიეტა +“
„მოსახლეობას, ჰერპესის ვირუსის სახელის ხსენებისას დაძაბულობა არ აქვს. გამოითქვა მოსაზრება, ვარაუდი, რომ მოსახლეობის 80-90%-ს ორგანიზმში ეს ვირუსი აქვს. შესაბამისად, შესაძლოა, მის მიმართ ცოტა ზერელე, ზედაპირული დამოკიდებულება ამით იყოს განპირობებული.“
რა საფრთხე დგას, თითქოს ერთის მხრივ, უვნებელი ვირუსის უკან?
„ამ „მარტივმა“ ვირუსმა, რომელიც, შესაძლოა, ბანალური გამონაყარი იყოს ტუჩზე, შეიწირა 8 დღის ახალშობილის სიცოცხლე.
ხაზგასმით უნდა აღინიშნოს, რომ ახალშობილებში ეს ვირუსი შეუქცევად ცვლილებებს იწვევს და როდესაც ვსაუბრობთ ახალშობილზე, ძალიან რთულია, თავის შეკავება, რომ არ ჩაეხუტოთ, არ აკოცოთ. კატეგორიულად უნდა აღვნიშნოთ, რომ არ აქვს ამას მნიშვნელობა, ვირუსი აქტიურ თუ ლატენტურ ფაზაშია, – გამონაყარი არის თუ არა, ვარაუდია გამოთქმული, რომ ოჯახის წევრისგან დასნეულდა ახალშობილი, კოცნის შედეგად.
სამწუხაროდ, ეს ერთი შემთხვევა არ არის.
თუნდაც ერთი შემთხვევაც კი საკმარისია იმისთვის, რომ ჩვენ, მშობლები მეტი სიფხიზლით, მეტი ყურადღებით ვიყოთ…“
