საკვების ალერგია – ძლიერი ალერგიული რეაქციაა საკვები პროდუქტის რომელიმე კომპონენტზე, რომელიც შედის მზა კერძში ან სასმელში. ყველაზე ხშირად ალერგიის ეს ტიპი ვლინდება ბავშვებში, მაგრამ 5 წლის ასაკიდან ის ქრება. ზრდასრულებში ასეთი ალერგია იშვიათია და ჩვეულებრივ ვლინდება პოლინოზთან ერთად.
მიზეზები
საკვების ალერგიის მიზეზი არის რომელიმე საკვები პროდუქტის აუტანლობა:
· კვერცხი, რძე, მარცვლეული, არაქისი, სოიო – ეს პროდუქტები ბავშვებში მრავალი ტიპის ალერგიულ რეაქციას იწვევს;
· არაქისი, თხილი, ზღვის პროდუქტები, ფრინველის ხორცი – ეს პროდუქტები ალერგიას იწვევს მოზარდებში და ზრდასრულ ადამიანებში.
საკვების ალერგიის სიმპტომები
ალერგიის ამ ტიპს ახასიათებს შემდეგი სიმპტომები:
· სურდო;
· გართულებული სუნთქვა, ხუთვა;
· გულის რევა, ღებინება;
· გამონაყარი კანზე, ძლიერი ქავილის თანხლებით;
· ტკივილი მუცლის არეში;
· ცრემლდენა;
· თვალების დაწილთლება და ქავილი;
· ანგიონევროზული შეშუპება;
· დიარეა;
· დაბალი არტერიული წნევა.
დიაგნოსტიკა
ლარერგიის გამოსავლენად და სამკურნალოდ ექიმი-ალერგოლოგი ნიშნავს შემდეგ პროცედურებს:
· სისხლის საერთო ანალიზი;
· სისხლის ბიოქიმიური ანალიზი;
· კანის ალერგიული სინჯები;
· პროვოკაციული ტესტები.
დამატებით შსაძლოა საჭირო გახდეს:
· კალას (განავლის) ანალიზი;
· მუცლის ღრუს ულტრა-ბგერით გამოკვლევა;
· ენდოსკოპიური გამოკვლევა.
საკვების ალერგიის მკურნალობა
ალერგიის სამკურნალოდ ინიშნება:
· ანტიჰისტამინური პრეპარატები;
· იმუნოთერაპია.
ზოგ შემთხვევაში შეიძება საჭირო გახდეს ადრენალინის ინექცია.
დიეტა
საკვებზე ალერგიით დაავადებულებისთვის მიზანშეწონილია დიეტის დაცვა, რომელიც ზღუდავს ისეთი პროდუქტების მოხმარებას, როგორიცაა:
· შაქარი;
· თაფლი;
· კამფეტი;
· საკონდიტრო ნაწარმი.
რაციონიდან უნდა ამოიღონ:
· მსუყე საკვები;
· საკვები დანამატები და საღებავები;
· დამარილებული, შებოლილი, დამარინადებული საკვები;
· ღვიძლი, თირკმელები, ტვინი;
· კონსერვები;
· კაკაო, შოკოლადი;
· სპირტიანი სასმელები.
საშიშროება
საკვების ალერგიამ უყურადღებობის პირობებში შეიძლება გამოიწვიოს შემდეგი პრობლემები:
· გონების დაკარგვა;
· ჭინჭრის ციება;
· ატოფიური დერმატიტი;
· ანაფილაქტიკური შოკი.
რისკის ჯგუფი
რისკის ჯგუფს წარმოადგენენ:
· გენეტიკური მიდრეკილების მქონე ადამიანები;
· ასტომით დაავადებულიები;
· ატოფიური დერმატიტით დაავადებულები;
· სასურსათო სფეროში მომუშავეები.
პროფილაქტიკა
პროფილაქტიკისთვის რეკომენდირებულია:
· რაციონიდან ალერგენების სრულად ამოღება;
· ჰიპოალერგიული დიეტის დაცვა;
· კაფეებსა და რესტორნებში კერძების შემადგენლობის დაზუსტება.
