ანდროგენული ალოპეცია

ანდროგენული ალოპეცია (ანდროგენეტიკული ალოპეცია, ანდროგენდამოკიდებული ალოპეცია, ნაადრევი ალოპეცია, წინაასაკობრივი ალოპეცია, ასაკობრივი გამელოტება, აგა)  – დაავადება, რომელიც ხასიათდება თავზე თმის ცვენით.
წარმოადგენს გამელოტების ყველაზე გავრცელებულ ფორმას, უვლინდება მამაკაცების უმეტესობას და ქალბატონების გარკვეულ პროცენტს.

მიზეზები

დაავადება ჩნდება თმის ფოლიკულების (თმის ძირების) უჯრედების მომატებული მგრძნობელობით ანდროგენების მიმართ. ანდროგენები – ჰორმონების ჯგუფი, რომლებიც იწარმოება სქესობრივი ჯირკვლებით (საკვერცხეები, სათესლეები) და  თირკმელზედა ჯირკვლის ქერქით.
ძირითადი მიზეზი – მემკვიდრეობითი ფაქტორი.
ქალბატონებში ალოპეცია შესაძლოა გამოიწვიოს:
·         თირკმელზედა ჯირკვლის და საკვერცხეების ფუნქციის მოშლამ;
·         მშობიარობის შემდეგ ესტროგენების დონის კლებამ;
·         კონტრაცეპტივების ხანგრძლივმა მიღებამ.

ანდროგენული ალოპეციის სიმპტომები

·         პირველადი თმის ცვენა შუბლისა და საფეთქლების არეში;
·         შემდეგ თმა ცვენას იწყებს გვირგვინის ადგილას.
ქალბატონებში განვითარებულ ანდროგენულ ალოპეციას შეიძლება ახლდეს შემდეგი სიმპტომები:
·         სებორეა;
·         აკნე;
·         ჰირსუტიზმი (მამაკაცივით ჭარბთმიანობა);
·         ალგოდიმენორეა (მენსტრუაციის დროს საშვილოსნოს მწვავე სპაზმები).

დიაგნოსტიკა

იმისათვის, რომ დაავადების მკურნალობის მეთოდი დადგინდეს, ექიმი-ტრიქოლოგი ატარებს:
·         თავის თმიანი ნაწილის საერთო დათვალიერებას;
·         სისხლის ანალიზს ჰორმონებზე;
·         ტრიქოსკოპიას (თმის კომპიუტერული დიაგნოსტიკა).
ზოგ შემთხვევაში აუცილებელია ენდოკრინოლოგის და გინეკოლოგის კონსულტაციები.

ანდგროგენული ალოპეციის მკურნალობა

მკურნალობის კურსი მოიცავს:
·         ფიზიოთერაპიულ პროცედურებს (დორსონვალი, კრიომასაჟი, ელექტრომაგნიტური ზემოქმედება, ელექტროპორაცია, ბიოპტრონი);
·         გარე მოხმარების პრეპარატები (სისხლძარღვების გამაფართოვებელი, მასტიმულიერებელი, თმის გაძლიერებული კვების);
·         მეზოთერაპია (მიკროინექციის შეყვანა);
·         ვიტამინოთერაპია;
·         თმის გადანერგვა;
·         ჰორმონალური პრეპარატები.
დაავადება კარგად იკურნება საწყის ეტაპებზე.

საშიშროება

მკურნალობის დაგვიანებას ან არარსებობას მივყავართ სრულ გამელოტებამდე.

რისკის ჯგუფი

რისკის ჯგუფს წარმოადგენს:
·         ქალბატონები მენოპაუზის პერიოდში;
·         ადამიანები მემკვიდრეობითი მიდრეკილებით.

პროფილაქტიკა

პროფილაქტიკისთვის რეკომენდირებულია:
·         თმის დასაბანად გამოიყენოთ ხარისხიანი შამპუნი;
·         თავის დასაბანად გამოიყენოთ მაქსიმუმ 30°-40°-მდე გაცხელებული წყალი;
·         ნკლებად გაიშროთ თმა საშრობით;
·         არ დაივარცხნოთ სველი თმა;
·         დაიცვათ ბალანსირებული კვების რაციონი;
·         თავი აარიდოთ სტრესულ სიტუაციებს.

გიორგი ფხაკაძე

მედიცინის მეცნიერებათა დოქტორი (PhD), მედიცინის დოქტორი (MD), ჯანდაცვის მაგისტრი (MPH). საქართველოს საზოგადოებრივი ჯანდაცვის ინსტიტუტის (PHIG) თავმჯდომარე. არის ჯანდაცვის მსოფლიო ორგანიზაციის (WHO) ექსპერტი და Accreditation Canada-ს წარმომადგენელი საქართველოში. ეწევა აკადემიურ საქმიანობას დავით ტვილდიანის სამედიცინო უნივერსიტეტში. არის Georgian Medical Journal (GMJ)-ის დამფუძნებელი და მთავარი რედაქტორი. გამოქვეყნებული აქვს მრავალი სამეცნიერო ნაშრომი საერთაშორისო რეცენზირებად ჟურნალებში, არის სახელმძღვანელოებისა და პროფესიული გზამკვლევების ავტორი. გიორგი ფხაკაძე აქტიურად მონაწილეობს ასობით ეროვნულ და საერთაშორისო სამეცნიერო-პროფესიულ კონფერენციასა და სამუშაო ჯგუფში, 25 წელზე მეტი გამოცდილებით საზოგადოებრივი ჯანდაცვის, ხარისხის სტანდარტებისა და ჯანდაცვის პოლიტიკის სფეროში. #აქხარისხია #drpkhakadze #sheniambebi

  პრიდონტიტი

See Full Bio