კონდილომები (მეჭეჭები) – დაავადება, რომელსაც ახასიათებს კანზე ხორცმეტების წარმოქმნა

0
179
მეჭეჭები კანის დაავადება

კონდილომები (მეჭეჭები) – დაავადება, რომელსაც ახასიათებს კანზე ხორცმეტების წარმოქმნა. წარმოადგენს მეჭეჭების ნაირსახეობას. მიეკუთვნება სქესობრივი გზით გადამდებ დაავადებებს.

მიზეზები
დაავადების წარმოშობის მიზეზებია:
·         მოუწესრიგებელი სქესობრივი კავშირები;
·         იმუნიტეტის დაქვეითება;
·         სქესობრივი გზით გადამდები დაავადებების გადატანა;
·         ხშირი სტრესი;
·         დედისგან ნაყოფზე გადასული დაავადება;
·         ორგანიზმში ვიტამინების უკმარისობა;
·         ქალებში – საშოს დისბაქტერიოზი.

სიმპტომები
დაავადებას ახასიათებს შემდეგი სახის სიმპტომები:
·         კანსა და ლორწოვან გარსზე ხორცმეტების წარმოქმნა;
·         ხორცმეტების კანში შერევა;
·         ტრავმირების დროს ხორცმეტს ცუდი სუნი, ქავილი და ძლიერი ტკივილის შეგრძნება ახლავს;
·         სქესობრივი ფუნქციის დარღვევა და შარდის გამოყოფის გართულება.

დიაგნოსტიკა
კონდილომების მკურნალობის დასადგენად ექიმი-ვენეროლოგი (ქალებისთვის) ან ექიმი-უროლოგი (მამაკაცებში) ატარებს შემდეგი სახის გამოკვლევებს და ანალიზებს:
·         საერთო კლინიკურ დათვალიერებას;
·         კოლონოსკოპიას;
·         ნაცხის ციტოლოგიურ ანალიზს;
·         პჯრ დიაგნოსტიკას;
·         ურეტროსკოპიას;
·         ჰისტოლოგიურ გამოკლვევას;
·         იმუნოლოგიურ გამოკვლევას.

მკურნალობა
მახვილი დაბოლოების მქონე კონდილომების საბოლოოდ მოშორების მეთოდი არ არსებობს, რამდენადაც ადამიანის პაპილომას ვირუსი არ ექვემდებარება მკურნალობას. ხორცმეტებისგან გასათავისუფლებლად ექიმი ნიშნავს ქირურგიულ მკურნალობას.
·         ლაზეროკოაგულაციას;
·         კრიოდესტრუქციას;
·         ელექტროკოაგულაციას;
·         ქიმიური ნივთიერებებით მოცილებას.
ადგილობრივი გამოყენებისთვის ინიშნება ციტოქსიკური პრეპარატები.

საშიშროება
თუ არ მოხდება კონდილომების დროული მკურნალობა, განვითარდება შემდეგი სახის გართულებები:
·         კანის კიბო;
·         სასქესო ორგანოების კიბო.
არავითარ შემთხვევაში არ შეიძლება თვითმკურნალობის ჩატარება, ხორცმეტის მოწვა, მოჭრა და ა.შ. ეს მხოლოდ გაართულებს სიტუაციას.

რისკის ჯგუფი
ამ ჯგუფში შედიან:
·         ადამიანები, რომლებიც ხშირად იცვლიან სქესობრივ პარტნიორს;
·         ჰორმონალური დარღვევების მქონე ადამიანები;
·         აივ-ინფიცირებულები.

პროფილაქტიკა
შემდეგომში გართულებების თავიდან ასაცილებლად რეკომენდირებულია:
·         სქესობრივი აქტის დროს ბარიერული ტიპის კონტრაცეპტივების გამოყენება;
·         საკვებად ვიტამინებით მდიდარი პროდუქტების გამოყენება;
·         ქალებმა უნდა ჩაიტარონ საშვილოსნოს ყელის კიბოს ვაქცინაცია;
·         გადაღლისა და სტრესისგან თავის დაცვა.

მასალის გამოყენების პირობები
author avatar
გიორგი ფხაკაძე
#drpkhakadze

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ