ჯანდაცვის საერთაშორისო ექსპერტი, “აკრედიტაცია კანადას” წარმომადგენელი საქართველოში, პროფესორი გიორგი ფხაკაძე “პაციენტის საბჭოების სამდივნოს” ქმნის. საქართველოს საზოგადოებრივი ჯანდაცვის ინსტიტუტი კი ამ საბჭოების სამდივნოა:
“საქართველოს ჯანდაცვის საზოგადოებრივი ინსტიტუტი მუშაობს იმისათვის, რომ განვითარდეს ჯანდაცვა საქართველოში, მაგრამ ეს ვერ მოხდება, თუ არ იქნება ჩართულობა პაციენტების მხრიდან.
შესაბამისად, ჩვენ უკვე წლებია, ვმუშაობთ პაციენტებთან სხვადასხვა მიმართულებით, მაგრამ გადავწყვიტეთ, რომ ეს ჩართულობა იყოს უფრო ორგანიზებული და სტრუქტურიზებული.
ეს ნიშნავს იმას, რომ საქართველოს საზოგადოებრივი ჯანდაცვის ინსტიტუტმა გადაწყვიტა, თავისი პლატფორმა “შენი პულსი” -ზე შეიქმნას დამატებითი პლატფორმა “შენი პაციენტი”.
“შენი პაციენტი” გააერთიანებს პაციენტებს სხვადასხვა საავადმყოფოებიდან. “შენი პაციენტის” სამდივნო იქნება საქართველოს საზოგადოებრივი ჯანდაცვის ინსტიტუტში და თითოეულ საავადმყოფოში იქნება პაციენტთა საბჭო.
ჩვენი კარი ყოველთვის ღიაა ყველასთვის. საავადმყოფოების საბჭოები გააჟღერებს პაციენტების ინფორმაციას, რის შემდეგაც ჩვენ ხელს შევუწყობთ, რომ პაციენტების ხმა იყოს ხელმისაწვდომი სამინისტროსა და საავადმყოფოებში.
ასევე ჩვენ დავუთმობთ პლატფორმას პაციენტებს, რომლის შესახებაც ფართო საზოგადოება გაიგებს. პრაქტიკულად, ჩვენ დღეს ვიწყებთ პაციენტების ჩართულობას არამხოლოდ ზედაპირულად, არამედ ღრმა ჩართულობით პაციენტების უშუალოდ ჯანდაცვის სისტემაში.” – აცხადებს საზოგადეობრივი ჯანდაცვის საერთაშორისო ექსპერტი, გიორგი ფხაკაძე.
“შენი პაციენტის” სამდივნოს ხელმძღვანელი გახლავთ იოსებ დემეტრაშვილი, რომელიც, პაციენტებთან იმუშავებს…
“შენი პულსი” იოსებ დემეტრაშვილს ესაუბრა:
“ჩვენ მხარს ვუჭერთ პაციენტთა საბჭოებს, რომლებიც შექმნილია სხვადასხვა საავადმყოფოში და ისინი ძირითადად იმუშავებენ იმისთვის, რომ ჩართული იყვნენ საავადმყოფოს მუშაობაში პაციენტების უფლებების დაცვის კუთხით.
ისინი მონაწილეობას მიიღებენ საავადმყოფოს უშუალოდ განვითარებასა და სტრატეგიული გეგმის განვითარების ხელშეწყობაში.
შესაბამისად, სამდივნოს ფუნქციაა, ხელი შეუწყოს საბჭოებს უფრო ეფექტურად მუშაობაში, გაავრცელოს ინფორმაცია სოციალურ ქსელებში და გაზარდოს ცნობადობა მათ შესახებ… მხარი დაუჭიროს ლოჯისტიკურად, რათა მიიღონ საჭირო ინფორმაცია, რაც მათ სჭირდებათ და რაც ყველაზე მნიშვნელოვანია – სამდივნო საკუთარ თავზე იღებს, უზრუნველყოს კითხვარების მომზადება, გავრცელება, მათი შეგროვება სხვადასხვა საავადმყოფოდან, ამ ინფორმაციის დამუშავება და შემდეგ კომიტეტისთვის გადაცემა, რომ შემდეგ მათ განიხილონ კითხვარები, თუ რამე საჩივარი იქნება – პოზიტიური თუ ნეგატიური და უფრო რეალური და აქტიური მონაწილეობა მიიღონ საავადმყოფოს ყოველდღიურ ცხოვრებაში.”
