ბავშვებში საშარდე გზების ინფექციები.
საუბრობს უროლოგი, მედიცინის დოქტორი ზაზა ჭანტურაია გადაცემაში „პირადი ექიმი“ ისაუბრა:
-„რეალუჯრად, ზამთარში სახლში არის „ზაფხული“. ბავშვის წონა რომ მცირეა, თბილ ოთახში ყოფნისას რა სითხეც აორთქლება, მისთვის საკმაოდ მაღალი პროცენტია. შეიძლება, დილიდან საღამომდე ტუალეტში არ შევიდეს.
სტატისტიკურად დადასტურებული არ არის, თუმცა, რეკომენდაციაა, – ბავშვმა 4 საათში ერთხელ მაინც მოშარდოს, იმდენი შარდი გამოყოს, რომ ბუშტი გამოირეცხოს იმიტომ, რომ დაცლას მნიშვნელობა აქვს. ბაქტერიების გამრავლებას 6 საათი მაინც სჭირდება.
შარდის ბუშტი 6 საათამდე თუ იცლება, ბაქტერიები გამრავლებას იმდენად ვერ ასწრებენ. ერთ-ერთი მნიშვნელოვანი რეკომენდაცია რეჟიმული შარდის ბუშტის დაცლაა. ბავშვს თუ არ ეშარდება, იძულება ძნელია.
ბავშვმა სითხე უნდა მიიღოს და 4 საათში ერთხელ მაინც მოშარდოს (4-5 მოშარდვაა დღეში). ეს არის ერთ-ერთი პრევენცია, რომ საშარდე გზის ინფექციების განვითარების რისკი შემცირდეს.
ბავშვს საშარდე გზის ინფექციის პრობლემა ერთხელ მაინც თუ ჰქონდა, განსაკუთრებით მნიშვნელოვანია, დღეში 4-5-ჯერ მოშარდოს. ზამთარში მაინც თბილ გარემოშია, გათბობაა ბაღებსა და სკოლებში, ამიტომ ბავშვი რეალურად, ზაფხულის პირობებშია და სითხის მიღება მნიშვნელოვანია. ბავშვის წონა რომ მცირეა, თბილ ოთახში ყოფნისას რა სითხეც აორთქლება, მისთვის საკმაოდ მაღალი პროცენტია. შეიძლება, დილიდან საღამომდე ტუალეტში არ შევიდეს“, – განაცხადა ზაზა ჭანტურაიამ.
როგორც მან აღნიშნა, საშარდე გზების ინფექცია მრავალფეროვანი სპექტრია.
„ბავშვები მცირე ასაკში თუ იმდენ სითხეს ვერ იღებენ, რომ გაუწყლოება თავიდან აირიდონ, საჭირო ხდება ჰოსპიტალიზაცია. თუ ბავშვი ზოგადად ცუდადაა, აუცილებლად ექიმი სჭირდება“- განაცხადა უროლოგმა, მედიცინის დოქტორმა ზაზა ჭანტურაიამ.
