შეამოწმე, შენი სახლის ინტერიერის ფერები ემთხვევა თუ არა პროფესიონალების რჩევებს? ✅️

რა შეიძლება იყოს შენი შექმნილი ინტერიერით შენივე სახლის გარემონტებაზე უფრო სასიამოვნო ?ალბათ, ისევ შენი მეორე სახლის ინტერიერის შექმნა და ასე დაუსრულებლად…

და თუ ახლა შენი ინტერიერის შექმნის პროცესში ხარ, მაშინ ეს სტატია შენთვისაა:

„ინტერიერის დიზაინის“ სამყაროში ფერები გადამწყვეტ როლს ასრულებს სივრცის, ხასიათის და განწყობის ფორმირებაში. ადამიანებს, რომლებიც ქმნიან საკუთარი სახლის ინტერიერს, აქვთ დიდი ინტერესი, გამოხატონ თავიანთი უნიკალური სტილი და შექმნან სივრცე, რომელიც მათთან რეზონანსდება, თუმცა ამავდროულად ფერების ფსიქოლოგიური გავლენაც გასათვალისწინებელია… უფრო მეტიც, სწორი ფერის სქემის არჩევას “ვიზუალური სიმფონიის ორკესტრირებასაც” ამსგავსებენ, სადაც თითოეული ელფერი ხელს უწყობს საერთო ჰარმონიას. ცივი ტონები აღძრავს სიახლის განცდას, თბილი ტონები ასხივებს სითბოს და სიმყუდროვეს…

გამოდის, რომ თითოეულ ოთახს თავისი ფერი აქვს და ისინი სწორად უნდა შეარჩიო იმ შედეგის მისაღწევად, რომელიც შენი ყოველდღიური განწყობის შექმნაში მიიღებს მონაწილეობას.

“შენი ინტერიერი” ამ სტატიით შეეცდება, ოთახის ფერების შერჩევისას მოსალოდნელი შეცდომები თავიდან აგარიდოთ… საინტერესოა, თუ უკვე შერჩეული გაქვთ ფერები შენი სახლისთვის, დაემთხვევა თუ არა პროფესიონალების რჩევებს?…

ყავისფერი

მიუხედავად იმისა, რომ ელეგანტურია, ამ ფერს აქვს დეპრესიის გამოწვევის  უნარი, ამიტომ ის აუცილებლად უნდა დავაკავშიროთ  ხალისიან ფერებთან, როგორიცაა ყვითელი, თეთრი, წითელი, მწვანე და ნარინჯისფერი.

წითელი

წითელი ყველაზე ცოცხალი ფერია, ის ქმნის სიყვარულისა და მეგობრულ ატმოსფეროს. წითელი ფერის გამოყენება საძინებელში ძალიან კარგი გადაწყვეტლებაა, რადგან  ის აღვიძებს სიყვარულის და ენერგიულობის განცდას.

ნარინჯისფერი

ის განასახიერებს მზეს და ბუნებას. ნარინჯისფერი და მისი ყველა ჩრდილი საკმაოდ დადებითად მოქმედებს ფსიქიკაზე. ფორთოხლის შორეული ტონები, წარმოადგენს სიმდიდრეს და კეთილდღეობას .

ყვითელი

ინტერიერის დიზაინში ყვითელი ფერი რეკომენდირებულია სამზარეულოს, სასადილო ზონებისთვის, დერეფნებისა და სველი წერტილებისთვის. ეს ფერი ავტომატურად ამაღლებს ადამიანების განწყობას.

მწვანე

ღია მწვანე  ხელს უწყობს გრძნობების მოდუნებას და ამცირებს ჰიპერტენზიის და არტერიული წნევის დონეს.
მწვანე არის ძალიან მრავალმხრივი ფერი. მმიუხედავად იმისა, რომ ღია და აკვამწვანეს აქვს დამამშვიდებელი ეფექტი, მუქი მწვანე ძირითადად ასოცირდება სიხარბესთან და ეჭვიანობასთან…

ლურჯი

ლურჯი ინტერიერის დიზაინის პალიტრაში
ყველაზე დამამშვიდებელ ფერებს შორისაა. რაც შეეხება ფერის ფსიქოლოგიურ ეფექტს, ლურჯი ამშვიდებს გონებას და ანელებს გულისცემას, კარგად მოქმედებს არტერიულ წნევასა და ჰიპერტენზიაზე.

იისფერი

იმის გამო, რომ იასამნისფერი შთააგონებს შემოქმედებითობას, შეგიძლიათ დაამატოთ ის გასახდელში, კარადებში, შიდა ხელოვნების სტუდიებში ან თუნდაც სამზარეულოში. ეს ფერი განსაკუთრებით პოპულარულია მოზარდებში, რადგან შთააგონებს მათ შემოქმედებითად

იასამნისფერი ასევე კარგად მუშაობს ფოიეში ან მისაღები ოთახში, სადაც თქვენი სტუმრები დროს ატარებენ.

ვარდისფერი

საუკეთესოდ გამოიყენება თინეიჯერი გოგონებისთვის ოთახის ფერში ან მისაღებში და აბაზანაში სიხარულისა და ნეტარების ატმოსფეროს შესაქმნელად.
ვარდისფერ ფერთან დაკავშირებული ემოციებია:
სიტკბო, სითბო, კომფორტი.

დაბოლოს, თეთრი

უნივერსალური ფერი არის თეთრი, ყველა თქვენი იდეის განხორციელების საშუალებას მოგცემთ. ფსიქოლოგიურ დონეზე, თეთრი ფერი შესანიშნავია კლაუსტროფობიით დაავადებული ადამიანებისთვის, ასევე თეთრი,  ოთახს უფრო დიდს და სუფთას ხდის. ნეიტრალური ფერის დამამშვიდებელი ეფექტი ხელს უწყობს გულისცემის და არტერიული წნევის კონტროლს.
თქვენ შეგიძლიათ გამოიყენოთ თეთრი სახლის ნებისმიერ ნაწილში, მათ შორის საძინებელში, აბაზანაში, სამზარეულოში, მისაღებში, სასადილოში, ის ზრდის ვიზუალურ სივრცეს და ამცირებს დაძაბულობას.

ავტორი: თინათინ თავხელიძე

#drpkhakadze #gochadze #sheniinterieri